#BalikAlindog versus #BalikPagkatao

Pinyuyir

 

Dear fans and followers,

Happy New Year naman to all of you!!! 2014 na! Shet. Nakaka-pressure ang bilis ng panahon. Hindi ko siya kinakaya. Parang kelan lang single ako. Tapos ngayon…single pa rin. Bwahaha Chaka! 😉 Sana naman mas maging maganda ang taon na ito for my lovelife. LORD! SANA MAKINIG KA NA!!! Parang ang selective mo sa mga pinakikinggan mo ‘eh. Parang nabibingi ka bigla kapag lovelife na ang hiling ko. Parang bigla kang nagiging busy. Char! 😉  Joke lang, Lord ha. ‘Wag ka namang sensitive. Dyosko. 😉

Kamusta naman kayo?! Kamusta ang figure n’yo? I’m sure nagtabaan kayo. Ang siba n’yo ‘eh. Ano expect n’yo? Ano ba. GV lang tayo! 🙂 This is my first post for this year so I think kailangan positive tayo para naman maganda ang pasok ng taon. Hindi natin dapat ina-attract ang mga negative vibes kasi hindi sila nakakayaman. Dapat positive lang! Apir! 😉

So, pumasok na naman ang bagong taon kaya ito na naman at naglipana ang mga taong nahuhumaling sa tinawag na #BalikAlindog program. Alam n’yo ‘yan! Very rampant na naman ang programang ito ngayon sa social media at maging sa mga simpleng usap-usapan. Nagkalat na naman sa Facebook at Twitter ang mga taong nagpo-post ng mga specific details kung paano papabalikin ang alindog nila na wala naman talaga sila nito to begin with. ‘Te, hindi mo talaga maibabalik ang NEVER na naging iyo. ‘Wag kang mag-ilusyon! CHAROTH! Lakas maka-linya sa teleserye! Love it! 😉

Anyway, puro #BalikAlindog ang fans ngayon na kesyo magjojogging na raw at tatakbo ng 90 miles a day (wow), kakain na ng healthy food at magbabawas ng rice from 6 cups to half rice (wow), maggi-gym na raw lagi at susulitin na ang membership na never namang nagamit talaga etc. etc. ‘YAN NA NAMAN TAYO ‘EH.  Pustahan paandar lang yan. Next month makikita mo na naman sila sa mga buffet restaurant tapos aamagin na naman ng gym card nila. Naku! I don’t want to sound nega ha. May mga success stories din naman akong alam. ‘Yung tipong biglang naging balingkitan talaga from a whale-sharkish size. Congrats naman sa inyo! 😉 Pero sadly,  mga 2 lang sila out of 20. Bwahaha. Ang dami ko rin kasing friends na matataba na nagbalak na ibalik ang alindog nila to no avail. Gusto ko ‘yung “to no avail.” 😉 Ang ending, mas tumaba pa sila huli. ‘Yung tipong nawala na ang leeg nila nang tuluyan dahil sa katabaan. Parang after ng ulo, balikat agad. Tapos after balikat, paa agad. Ganun level! Saklap no?

Hay naku. Tantanan na nga lang natin sila. Baka magulat ako at paulanan ng bala ang bahay ko mamaya. Walang na lang basagan ng trip. Ibigay na lang natin sa kanila ang benefit of the daw. I mean of the doubt. 😉 GV lang! After all, ang gusto ko naman talagang pag-usapan ay ang aking paandar program na #BalikPagkatao program! Ay, gusto ko ‘to! Ito na! Ito na!!! 🙂

Ang pagbabago ay dapat laging holistic. Hindi lang pagbabagong piskal dapat. Higit sa lahat, mas importante ang pagbabago ng ugali tungo sa mas mabuting pagkatao. O, ha! Hiyang-hiya si Dra. Margie Holmes sa entrada ko. Wahaha. 😉 Pero seriously, walang point na magandang katawan pero BASURA naman ang pag-uugali. Ekis din ‘yan sa fans. Tandaan natin, maraming bagay ang hindi kayang takpan ng magandang mukha at makinang na ngiti. Kaya inaanyayahan ko kayong mag-#BalikPagkatao program kasabay ng #BalikAlindog n’yo. ‘Wag puro pag-build ng muscle ang atupagin! Dapat may mga babaguhin din tayong pag-uugali para mas maging busilak na tao tayo ka-level ni Mama Mary. At isa ngang maganda at simpleng pagbabagong pwede nating gawin sa buhay ay ang PAGTUPAD SA COMMITMENT!

___________________________________________________
com

Sabi ko nga sa Facebook status ko kagabi, mataas ang respeto ko sa mga taong pumupunta talaga sa isang event kapag sinabi nilang pupunta sila. Truly commendable ‘yung mga taong reliable at may pagpapahalaga sa commitment. ‘Yung hindi ka bibitinin at iiwan sa ere. Ang dami kasi talagang mahilig magpa-andar. Halimbawa  sa Facebook event page, ang bilis mag-click ng “GOING!” Kakapost mo pa lang tapos naka-“GOING” na agad si Ate. Pero pagdating naman ng actual event, HINDI MO NA MAKITA! Biglang hindi magpaparamdam. Tangena. Kairita no? Dapat sa sinisilaban ng buhay ang mga taong ganito ‘eh. Dapat pinagtutulak ng MRT ang mga hinayupak na ‘yan para putukin. Dapat dinidispatsya na sila ‘eh. Leche! Ang simple-simple lang ng buhay. Kung hindi ka pwedeng umattend, ‘E ‘DI ‘WAG! Shut your fucking mouth na lang!!! Nyeta. Sorry for the outburst, judges. 🙂 Medyo natodo ko sa part na ‘yun ha! Wahaha 🙂 Pero aminin n’yo ha, ang simple-simple ng bagay na ito pero marami ang bumabagsak dito. Kaasar.

Hindi naman ako nagmamalinis. Hindi ako sing-buti ni  Mama Mary. May mga times din na nag-confirm ako pero hindi ako nakapunta for some reason. BUT I RARELY DO THIS. I rarely backout from a commitment. Life and death situation na talaga kapag hindi ako sumipot. Almost always, sumisipot ako sa lahat commitment na nag-confirm ako. Kahit 8 na events pa ‘yan sa isang araw, lahat ‘yan sisiputin ko kahit ikamatay ko. Ganun kasi dapat, ‘di ba? Nag-commit ka, so magpakita ka. Basic! ‘Yung iba kasi sa atin ang bilis mag-confirm. Pero kapag sa actual lakad na, biglang malo-lowbatt, biglang nadukutan, biglang nabangga ng truck ‘yung taxi na sinasakyan, biglang namatay ang lola, biglang nanakawan ang bahay, biglang inapoy ng lagnat. INAPOY TALAGA? Hindi pwedeng sininat lang muna?! Dyosko ha. Please!

__________________________________________________
so

Sabi nga ni Ate Sharon Cuneta na recently ay nagpaandar na naman sa Twitter, “I remember when life was simpler… When people had some degree of respect for one another because it was just a natural thing…” Korek ka d’yan, Ate Shawie! Nakakamiss din talaga ‘yang mga moments na ganyan. Ang laki din kasi talaga ng pinagbago ng buhay natin with the technological advancements. May negative side din talaga ang mga paglipana ng gadgets and all. Dati nung hindi pa uso ang cellphone at landline pa lang ang meron tayo, mataas ang pagpapahalaga ng mga tao sa COMMITMENT. Halimbawa may ime-meet tayong isang tao sa particular na lugar at oras, talagang sisipot tayo dun kasi otherwise aamagin ‘yung kausap natin kakahintay. Wala tayong cellphone or FB/ Twitter na pwedeng gamitin para magsabi sa kausap natin na hindi na tayo bigla makakapunta dahil nga “inapoy ka ng lagnat.” So, sisipot tayo kahit anong mangyari dati. Ngayon, DYOSKO. Ang daming mahilig mag-confirm pero never nagpapakita. At ang nakakairita pa is ‘yung nagba-backout MINUTES away from the event! AY, NAKU! GRABE!!! Dapat sa mga taong ‘yan pinapakain ng racumin. Kingina. Sobrang bastos ‘no? Pet peeve ko talaga ‘yang mga backout-era! SOPER! Usually, dinidispatsya ko na ‘yan sa friends list ko. After all, afford ko namang mag-delete ng friends kasi soper dami na rin talaga nila.  Wahaha. #Bitch

Haaaay. Tama na nga. I think I made my point already. Sana gumawa din kayo ng #BalikPagkatao program n’yo. Marami namang simpleng mga bagay at pag-uugali ang pwede nating i-improve para mas maging maganda ang pagkatao natin. Kumbaga sa sex, dahan-dahan lang para hindi duguin. WOW. 🙂 Pwedeng ang laman ng #BalikPagkatao n’yo is mga simpleng changes lang like magiging on-time na sa mga lakad, magiging mas palangiti na, matutulog na nang maaga, maghuhugas na ng kamay bago kumain etc. Mga light levels lang. Or kung paandar kayo, pwede rin namang mas pasabog like hindi na magnanakaw, hindi na makikipag-sex sa lalaking may jowa, hindi sisilipan ang mga naliligo sa banyo etc. Mga ganyan ba. ‘Wag masyadong mag-focus sa panlabas na pagbabago. Marami d’yan maganda nga ang katawan pero single din naman. Wala rin! Hindi n’yo rin kinaangat ‘yang muscle n’yo sa mga single na pangit. Char.

So there. ‘Yan na lang muna. Tandaan natin na hindi kayang takpan ng magandang katawan ang bulok na ugali. Napakaraming hindi kayang itago ng kagandahan. Kaya payo ko sa inyo, patuloy na pagandahin ang inyong pagkatao. Kasi kung ang pagkatao mo ay  busilak, sa huli, ikaw pa rin ang magiging makinang! (Balutin mo ako ng liwanag ng iyong pagmamahal…)

Yours Truly,

Madma

(Photo source: http://www.aiche.org/ifs/resources/sustainable-meeting-initiative/environmental-commitment-statement, http://www.ekaterinawalter.com/2013/09/to-get-reluctant-employees-on-board-with-social-media-put-em-through-boot-camp/, http://www.techblogstop.com/35-plus-most-beautiful-happy-new-year-2014-hd-wallpapers/)

P.S. Sorry at hindi ko masyadong napanindigan na GV ang post ko. hahaha Medyo nadala ako ng emotion ko. Happy New Year ulit sa inyo! At cheers tayo para sa mas pinalakas na pagkatao nating lahat! ❤

 

 

 

 

7 Bagay na DI-DAPAT I-donate

Dear fans and followers,

Kamusta na ang ulo n’yo, mga bitches?! Mainit pa rin ba dahil sa palpak na aksyon ng gobyerno sa trahedyang dala ni Mareng Yolanda? Well, hindi ko kayo masisisi sa part na ‘yan. Ako rin ay ilang beses na tumaas ang BP sa magkahalong kahihiyan, inis, asar at galit sa turn of events lately. Day 7 na lagim ni Super Typhoon Yolanda pero parang kahapon lang nangyari ang pananalasa. Same-same pa rin ang kalagayan! Pota. In fact, parang mas lumala pa nga. Hindi pa rin nabibigyan ng tulong ‘yung ibang areas until now. Magulo pa rin. Mas lalo pang gumulo. ‘Yung mga bangkay ay nakakalat pa rin sa kalsada hanggang ngayon. Dyosko. Ano ‘yan? Palay?! Nakakaloka!

Anyway, ayaw ko na munang ma-nega. Friday ngayon so dapat GV lang tayo! 🙂 Nakakasira ng beauty ang issue na ito. Grabe! I think we’ve said enough. We’ve heard enough. We’ve seen enough. Mag-focus na lang muna tayo sa rehabilitation at patuloy na pagtulong sa mga biktima para matapos na ang bangungot na ito. Bweltahan na lang natin lahat ng mga inutil sa gobyerno pagkatapos nito. After all, sa likod ng galit, sisihan, awayan at bangayan, ang main task at hand is maibalik sa kaayusan ang mga affected areas at matulungan ang mga biktimang makabangon ulit. OMG ang positive ko today ha! Aminin n’yo ‘yan. 🙂

With that, gusto ko na lang i-discuss ‘yung mga bagay na HINDI DAPAT i-donate sa mga ganitong pagkakataon. Based ito sa karanasan ko sa pagbo-volunteer sa “Tulong Kabataan Relief Drive for #YolandaPH.” Medyo naloka lang ako sa ilang items na dinonate ng ilan nating mga mabubuting kababayan. I appreciate the kindness ha. Don’t get me wrong. Nakaka-shock lang talaga! Super fun siya though kaya naalis din somehow ang pagod while nagre-repack ng mga relief goods. 🙂

Without further ado, I now give you the 7 things na HINDI DAPAT i-donate sa mga biktima! Paki-note po. Lalo na dun sa mga nagbabalak mag-donate.
__________________________________
Panties

Gamit na panty at brief and other undergarments

PLEASE NAMAN! Hindi ko kinaya ‘yung mga nagdo-donate ng mga used underwear ha. GAMIT TALAGA?! Hindi pwedeng bago?! Shocking! Konting respeto naman d’yan. Huwag naman magbigay ng mga manilaw-nilaw na brief o kaya ay may dugo-dugong panty. Hindi naman contestant sa “Extra Challenge” or sa “Fear Factor” ‘yung mga victims para i-subject sa pagsusuot ng ganyang mga gamit. Baka naman nakaligtas nga sila sa bagyo, mamatay naman sila sa infection sa genitals. AY! Ayaw natin ‘yan. I-avoid natin ‘to ha. Kung gamit na lahat ng briefs or panties n’yo, KEEP THEM na lang for future references. Marami namang ibang items na pwedeng i-donate. ‘Wag n’yo na lang i-push. Ok? BUT AGAIN, I appreciate the kindness.
_______________________________________
Fairy

Costume-like na mga damit (Fairy costume, Vampire costume, mermaid costume etc.)

Dyosko ha. Biktima na sila. Tingin n’yo ba may time pa silang mag-costume party?! Ewan ko ha. Hindi ko kinaya ‘yung mga fairy costume-like na nakita ko sa donation. I’m wondering kung ano kayang iniisip nung nag-donate. Siguro sa isip-isip n’ya, kailangan ng mga biktima na magmukhang fairies para makamove on. Ganun? Di ako sure sa motive ha. Medyo dehado ako dito. Sana i-avoid din natin ang pagdo-donate ng ganitong items. Kung hindi na kasya sa inyo ‘yung mga costume n’yo sa bahay, keep them na lang din. BUT AGAIN, I appreciate the kindness.
_________________________________________
Apples

Mansanas at iba pang mga prutas

Unless turukan n’yo ng formalin ‘yan, sige papalusutin ko ‘yan. Guys, ‘wag naman perishable items kasi sure na masisira ‘yan so sobrang tagal at haba ng lalakbayin ng mga relief goods. Baka ‘yung mansanas n’yo ay maging apple juice na pagdating sa Leyte. Gosh. Kung pushy talaga kayo at sobrang mapilit at tingin n’yo ay importante talagang makakain ng prutas ang mga biktima, siguro mabuti pang mag-donate na lang kayo ng buto ng mansanas para at least kapag dumating na siya sa mga biktima, prutas na siya. BUT AGAIN, I appreciate the kindness.
_______________________________________
Knorr

Knorr Sinigang Mix/ Sinigang sa Miso

Magsisigang talaga?! Sana sinamahan n’yo naman rin ng isang kilong baboy, sitaw, labanos at talbos. Ang haggard naman na sinigang mix lang ‘yung matatanggap ng biktima. Ano kayang gagawin nila sa sinigang mix? Lalaklakin kapag nareceive? ‘E ‘di kidney naman nila ang nadale. Nakaligtas nga sa bagyo pero nagkasakit naman sa kidney?! Talo rin. Tsaka dagdag problema pa yan sa mga biktima. Poproblemahin pa nila tuloy kung paano magiging totoong sinigang ‘yung Knorr mix. Mapu-push pa sila magnakaw ng baboy at iba pang sahog. Tsk tsk.. Guys, huwag na natin sanang dagdagan ng stress yung stressful na nilang buhay. Konting diskarte naman. BUT AGAIN, I appreciate the kindness.
________________________________________
Biscuits

Expired na biscuits

Ewan ko kung tatawagin kong “mabait” ‘yung nag-donate o mas appropriate na tawagin siyang “demonyo.” Ano ba! May galit ka ba sa mga biktima?! Sabihin mo lang para mapag-usapan natin dito. Huwag naman tayong magbigay ng expired na o di kaya ay mage-expire na na mga biscuits. Check-check din ng expiration date! Huwag masyadong agit sa pagdo-donate. Siguraduhin namang makakain ‘yung bigay n’yo. Gusto n’yo ba talagang mag-donate? Parang ayaw n’yo eh. Sa pakiwari ko ha. BUT AGAIN, I appreciate the kindness.
________________________________________
Halls

Mga candies gaya ng Stork, Halls etc.

Trick or treat ang peg?! Or pwede ring trick or THREAT. Char. 🙂 Ano baaa! Kalako ha. Itago n’yo na lang ang mga candies n’yo kung marami kayo. Gets namin. Marami kayong candies. Duly noted po. Pero sana totoong mga pagkain na lang ibigya n’yo gaya ng noodles, bigas etc. Hindi naman babyahe ‘yung mga biktima at kailangan nila ng candy. Hindi na nga makaalis eh, di ba? Please ha. No more candies! BUT AGAIN, I appreciate the kindness.
_______________________________________
Tea

Slimming teas/ Mga pampapayat na tsaa

Wala na ngang nakakain ‘yung mga biktima ng ilang araw tapos gusto n’yo pa silang pumayat?! Gosh. Baka naman magsuka na sila ng dugo kapag pinainom pa natin sila ng mga pampapayat na tea. Ang sadista din ha! Huwag naman kayong maging bitter kung hindi umepekto sa inyo yung mga slimming teas na binili n’yo at ibibigay na lang sa iba. Eh ang taba nyo talaga eh. Ang siba n’yo kumain eh. Anong gagawin natin? Puro kayo ‘Balik Alindog Program” pero kain naman nang kain! Charot. 🙂 Please ha. I-avoid natin ang item na ito. Kape, gatas at milo na lang ang ibigay n’yo instead of this. BUT AGAIN, I appreciate the kindness.
__________________________________

There you have it! Paki-note ‘yang mga ‘yan ha. Pinapaalalahanan ko na kayo. Kung magdo-donate kayo, siguraduhin n’yo rin na makakatulong talaga ang ibibigay n’yo. Otherwise, kalat lang yan. Sayang lang. 🙂

BUT AGAIN, I appreciate the kindness.;)

Yours Truly,

Madma

(Photo sources: http://yoy50.wordpress.com/2010/03/03/major-retail-stores-selling-used-underwear-wtf/, http://www.halloweencostumes.com/womens-fairy-costume.html, http://www.fanpop.com/clubs/fruit/images/1201901/title/apples-wallpaper, http://filipino-store.com/index.php?act=viewProd&productId=164, http://www.continentalbakeries.com/en/products/cookies-biscuits/, http://azraelsmerryland.blogspot.com/2011/07/toys-and-halls-mentholyptus-candy.html, http://closemyer.co.za/theteas.html)

P.S. Tuluy-tuloy lang sa pagtulong sa ating mga kababayan! Every help counts! Kailangan talaga nating magtulungan ngayon kasi hindi na kaya ng chaka nating gobyerno ang ang pagrespond. Maraming namang paraan para tumulong. Kung wala kayong pera, pwedeng mag-volunteer. Kung wala kayong time, pwedeng mag-donate ng items. Basta madami! Go lang nang go!

Para sa mga gustong tumulong, just visit the Facebook account of Tulong Kabataan Relief Drive for #YolandaPH: https://www.facebook.com/#!/events/191377047714707/
______________________________________
TK
______________________________________
P.P.S. MARAMING SALAMAT sa inyong suporta! Madma loves you! ❤

Walang Sisihan!!!

283757_10151475741218791_1930644166_n

Dear fans and followers,

Isang malagim na araw sa inyong lahat. 😦

Alam kong kasalukuyan kayong nagluluksa sa very disappointing partial result ng 2013 elections. Alam kong ngayon ay panay ang pahid n’yo ng calming lotion sa katawan para ma-kalma ang inyong nanggagalatiing emosyon sa mga nangungunang Senators so far. Alam kong marami sa inyo ang nagpunta sa salon or spa para mag-relax at makalimutan ang horrors ng eleksyon. Naiintindihan ko ang inyong sentimyemto. Kasi NALOLOKA RIN AKO!!! 😦

Anong nangyari?! Bakit ganito ang resulta? Bakit SILA-SILA NA NAMAN?! Bakit hinayaan na naman nating MAULIT ang lahat?! Bakit sila na naman ang ating hinalal?! Bakit hinayaan nating masayang ang ating magandang nasimulan?! ‘Di ba gusto natin ng PAGBABAGO?! ‘Eh bakit ito na naman tayo?!

Haaaay… Diyos ko! Kahapon pa sumasakit ang bangs ko sa mga pangalang nakikita ko sa mga partial/unofficial result ng eleksyon. Ayoko na ngang tumingin sa TV kasi naiirita ako lalo. Nakakainis! Nakakagalit! Nakakapikon! 😦 Pare-parehong mga pangalan na naman ang mananalo. Sila-sila na naman. ‘Yun at ‘yun na naman. Nasilaw na naman tayo sa mga paulit-ulit na pangalan sa pulitika. Nagpauto na naman tayo sa kanila. GRABE.

Gusto ko manapak sa inis. Gusto ko magbasag ng mga plato para ma-release ‘tong inis na nararamdaman ko. Kaso konti lang ang plato namin sa bahay ‘eh so sa blog ko na lang ilalabas ang lahat. 😉

Magpapakatotoo na ako. Galit ako! Galit ako sa mga Pilipino! Gusto kong layasan ang punyetang bansang ‘to! Masama ang loob ko ngayon kasi hindi tayo natututo sa kasaysayan. Naiinis ako kasi ang bilis-bilis nating makalimot! Galit ako kasi ang bilis nating mauto! Galit ako kasi hinalal na naman natin ang mga mismong taong naging sanhi ng ating mga pagdudurusa noong mga nakaraang taon. Imbyerna ako kasi hinayaan na naman nating maghari ang mga taong minsan nang nanamantala at nang-abuso sa mga Pilipino. Naiirita kasi ang hilig-hilig nating MAGTIIS where in fact kayang-kaya naman nating baguhin ang lahat! Hobby talaga nating magdusa ‘no?! Nae-enjoy talaga natin ang suffering ‘no?! NAKAKALOKA!!!

Ang sad kasi ang lapit na natin sa PAGBABAGONG gusto nating makamit pero pinakawalan na naman natin ulit ang chance na ito. Haaay… Wala na akong masabi kundi puro buntong-hininga na lang. 😦 Sa totoo lang, ayoko na sana itong isipan pa. Ayoko na sana itong problemahin pa kasi marami din akong mga iniisip sa personal kong buhay gaya ng kawalan ng lovelife. Pinipilit kong deadmahin na lang ang bagay na ito at mag-move on na lang sa buhay ko. But I JUST CAN’T! Naiinis ako na patuloy akong binabagabag ng isipan ko sa bagay na ito. Shet.

Akala ko may magbabago na. Akala ko matatalino na tayo. Akala ko ay mga wais na tayo. Sadly, HINDI PA PALA. 😦 Ang taas-taas ng hope ko sa mga kapwa ko voters. Sobrang taas ng faith ko na hindi na tayo magpapaloko at iboboto na natin ang mga TAMANG TAO. Ang taas ng pananalig ko na makakamit na natin sa wakas ang tunay na PAGBABAGO. Na hindi na natin iboboto ang mga trapo at mga walang-kwentang pinuno. Apparently, nabigo ako. 😦

Emotions aside, ang resulta ng naganap na eleksyon ay may malaking sinasabi sa ating mga Pilipino– marami pa rin talagang sa atin ang nabubuhay sa dilim at kawalan ng tamang impormasyon. Isang malaking wake-up call ito para sa mga kagaya kong nagnanais ng TUNAY NA PAGBABAGO. Sadly, sa kabila ng kaliwa’t kanan nating mga paandar sa social media, kulang pa pala ang effort natin para abutin ang puso at isip ng mas marami nating kababayan. Magkaiba pa rin pala ang mundong ginagawalan natin sa mundong ginagalawan ng mga ordinaryong masang Pilipino na nakatira sa mga probinsya at malalayong lugar. May ibang mundo pa palang nage-exist sa mga far flung areas na walang access sa internet. Nakalimutan nating may ibang reality pa pala sa bansang ito.

Nakakalungkot. Hindi ko talaga mapigilang malungkot. Dismayado ako sa mga kapwa ko Pilipino. 😦

Pagbigyan n’yo na ako sa emotional breakdown na aking nararanasan ngayon. Ibigay n’yo na sa akin ang moment na ito. Hindi ko pa rin kasi matanggap ang lahat. Pero makaka-move on rin ako. Gaya ng dati, magmo-move rin ako. Wala namang akong choice, ‘di ba?! Ano ba naman ang isang boses ko laban sa boses ng milyung-milyong Pilipinong nagpauto sa mga trapong pulitiko. Sino ba naman ako.

Anyway, sa puntong ito, gusto ko na lang magbigay ng mensahe sa mga mananalong Senador ng bansang ito. Ang fierce ‘nung may message no? Lakas maka-show biz. 😉 Ito na lang ang magagawa ko for now. Wala na ‘eh. Andy’an na ‘yan. Hindi na ako makakapalag.
_______________________________________________
946549_10152801750355596_709563182_n
_______________________________________________
Grace Poe

Pasalamat ka sa apelyido ng tatay mo. Pasalamat kay kay Fernando Poe Jr. kasi siya ang nagpanalo sa’yo. YOU OWE HIM THIS VICTORY! Kung “Santos” o kaya “Ocampo” ang apelydio mo, wala ka sa pwesto mo ngayon. Alam mo ‘yan! Ang convenient din talaga ng may powerful na surname no?! Nagiging madali rin talaga ang lahat para sa’yo. Sa totoo lang, hindi kita binoto kasi lagi kang nagtatago sa apelyido ng tatay mo. Hindi ako bilib sa ganyang atake kaya hindi mo nakuha ang boto ko. Oh well, sana na lang ay “makipagbakbakan” ka talaga para sa tunay na pagbabago kapag nasa Senado ka na. Kasi kung ako ang masusunod, sa show biz kita ilalagay para mabuhay mo ang action films sa Pilipinas since gusto mong sundan ang yapak ng tatay mo. I think exciting din na makitang babae ang gumanap sa role na “Panday” for once.

Loren Legarda

At tibay mo rin talaga, girl. Lagi’t lagi kang pasok sa eksena kahit anong mangyari. Pero ang shocking ‘nung na-upstage ka sa number 1 spot ha. How does it feel na hindi na ikaw ang reyna? Basta ang message ko lang sa’yo is ayusin mo ang pag-file mo ng SALN next time. Declare-declare rin ng mga properties ‘pag may time ha? Ang tagal-tagal mo ng public servant tapos mali-mali pa rin ang SALN mo?! Wow ha. Sana ay maisama mo naman kame minsan sa posh na condo mo sa New York. Kahit overnight stay lang, ok na ako.

Edgardo Angara, Bam Aquino, Koko Pimentel, Cynthia Villar, JV Ejercito

Pasalamat rin kayo sa mga kamag-anak n’yo. Pasalamat kayo sa mabangong apelyido n’yo. Nawa’y patunayan n’yo na IBA kayo sa mga kamag-anak n’yo. Na may taglay rin kayong sariling husay at galing sa pamumuno. Hindi ko rin kayo binoto kasi umay na umay na ako sa mga angkan n’yo. Personally, hindi ko na kailangan ng isa pang Angara, Aquino, Pimentel, Villar at Ejercito sa buhay ko. Tama na ang perwisyong ginawa ng mga ninuno n’yo. Buti na lang at marami kayong nauto para bumoto para sa inyo. And congrats for that.

Alan Peter Cayetano and Antonio Trillanez IV

Sana mas maging pursigido kayo sa tunay na pagbabago. Sana ay mas maging maigting pa ang inyong pagsisikap para mas mapabuti ang buhay ng mga Pilipino. Kayo na lang siguro ang pinaka-ok sa mga mananalong Senador kaya sa inyo na lang ako kakapit. Sana naman ay hindi n’yo ako biguin. Sana naman ay paninidigan n’yo ang mga pangakong binitiwan n’yo during the campaign period. Again, please do not disappoint me. I had enough!

Chiz Escudero

Wala akong masyadong mensahe sa’yo kasi in love ka gaya ng sabi mo. At usually, mahirap kausap ang mga taong in love so hindi na ako magsasayang ng oras. Gusto ko lang sabihin ng bumaba ang tingin ko sa’yo dahil sa ka-cheapang kinasangkutan mo with Heart Evangelista’s parents. Galingan mo na lang. Sana gamitin mo ang inspiration and love na nararamdaman mo ngayon para mas higit na magsilbi sa bayan. Remind lang kita, 43 years old ka na so sana ay kumilos ka nang naaayon sa edad mo. Ibigay mo na kina Daniel Padilla at Kathryn Bernado ang pa-tweetums role. Hindi na kasi bagay sa’yo. Please lang.

Nancy Binay

At syempre, papahuli ba naman ang message ko sa paborito kong si Nancy Binay?! Save the best for last!

Hello Nancy. Taray mo, girl. Pasok na pasok sa banga! Hindi ka rin talaga natinag! Iba talaga kapag maitim na damo. Mahirap mapabagsak.

Sa totoo lang, hanggang ngayon ay hinahanap ko pa rin ang sapat na lakas ng loob na tanggapin ka bilang Senador ng bansang ito. Hanggang ngayon ay kinukumbinsi ko pa rin ang sarili ko para matanggap ka. Ang hirap din kasi talaga ng task na ito. Hindi ito madali for me so ‘wag mo akong masyadong i-pressure! Pero hayaan mo, aabot rin ako sa acceptance part. Kung kailangang mangutang ako ng lakas ng loob sa bangko, gagawin ko para mapayapa na ang kalooban ko at maka-move on na ako sa buhay. Deretsahan na tayo, hindi ako masayang nanalo ka. Pero sino ba naman ako kumpara sa milyung-milyong nauto mo. Pasalamat ka rin sa tatay mo at Binay ang apelyido mo. Kasi kung naging “Bingas” o kaya “Binat” ang surname mo, sa kangkungan ang bagsak mo, girl! Sure ako!

Oh, well. Panalo ka na. Natalo ako. Araw mo ito. Pero tandaan mo, bilog ang mundo. I will be closely watching you, bitch! Babantayan ko ang lahat ng kilos at galaw mo sa Senado. Kahit hindi na ako magka-lovelife kakabantay sa’yo, keri lang! Simula pa lang ng totoong laban so umayos ka.

At bilang unang paandar ni Senator Nancy Binay, gusto ko ipapanood ang nakakalokang interview na ito. Ang best n’ya kasi sumagot sa mga tanong ‘eh. Watch this!
_____________________________________

_____________________________________
Waaaah. DELUBYO!!! Grabe. Hindi ko kinaya!!! Say hello to our new Senator. 😦

At the end of day, kailangan nating mag-move on at tanggapin ang hatol ng bayan. Kailangan pa rin nating kumilos bilang isang bansa. Sana na lang mali ang mga iniisip ko. Sana na lang mali ako. Basta ang wish ko na lang is sana mahanap na natin ang sapat na lakas ng loob para matanggap ang resulta ng 2013 elections. Basta maging mapagmatyag lang tayo. Huwag tayong tumigil na magbantay sa mga kinikilos ng ating mga pinuno.

God Bless this country!!!

Yours Truly,

Madma

(Photo credit: http://www.facebook.com/ANCalerts, http://www.rappler.com)

(Video source: GMA News http://www.youtube.com/watch?v=4vmcNB1oTwg)

P.S. Isang pagpupugay sa mahigit 3 million na bomoto kay Mr. Teddy Casiño. Proud ako na at least may 3 million na Pinoy na sumuporta sa TUNAY NA PAGBABAGO. Masaya akong malaman na may mga tao pa rin sa Pilipinas na nag-iisip. Mabuhay kayong lahat! 🙂

To Mr. Teddy Casiño: Nawa ay hindi po kayo matinag sa paglilingkod sa sambayanang Pilipino. Sana hindi ito ang maging dahilan para tumigil kayo sa iyong maganda at kahanga-hangang gawain. Kailangan namin ng isang kagaya mo kaya sana ay patuloy ka pa ring maging aktibo sa pagsulong ng mga mahahalagang pagbabago.Nakasuporta po kame sa inyo.

Basta para sa akin, hindi ka man nanalo, ikaw pa rin ang Senador ko!

P.P.S. Happy Anniversary sa Your Truly, Madma!!! Grabe. One year na akong blogger!!! Nakakaloka. Ang bilis rin talaga ha. 🙂

Salamat sa mas pinalakas n’yong suporta!!! Asahan n’yo ang mga bagong pasabog ni Madma very soon. 🙂 One year na tayo. Shet. 😉

Muli, MARAMING SALAMAT!!! ❤

Ang Sampung Pananaw ni Madma on Religion and Homosexuality

homosexuality_God
____________________________________
Dear fans and followers,

Hello naman!

Gusto ko lang pala mag-follow up sa controversial status ko sa FB last April 30. I just want to clear things up for the record. O, ‘di ba nakaka-artista ‘yung nagki-clear pa ng mga bagay-bagay? Char. 😉 Pinili kong maglabas na lang ng isang full-blown blog entry para mas maipaliwanag ko nang maayos ang aking saloobin. Mabuti na ‘yung may official statement si Madma para mas klaro. 🙂

Una sa lahat, gusto ko munang sabihin na na-appreciate ko ang lahat na nag-comment sa status ko na ito. Bet na bet ko talaga ‘yung palitan ng kuru-kuro at pananaw. Nakaka-talino ‘yan. Gawain ‘yan ng mga taong nag-iisip. And I’m happy na nag-iisip tayo! 🙂 Bilib ako sa mga taong matapang na nilalabas ang kanilang saloobin. After all, iba-iba naman talaga ang pananaw ng mga tao. Iba-iba ang paniniwala. Iba-iba ang saloobin. Everyone believes in something. Ang importante naman lagi is kaya mong ipahayag at panindigan ang iyong paniniwala at marunong kang rumespeto ng side ng iba. Bongga!

Sa mga hindi nakakaalam particularly sa mga hindi ko friends ko sa Facebook, ito ang FB status na tinutukoy ko:

“You can’t live an openly homosexual lifestyle and be a Christian.” -AGREE! Para mong sinabing vegetarian ka tapos kumakain ka naman ng pork. haha Check, check rin ng consistency ‘pag may time. K?!”

Shocking ba? Hahaha
_________________________________________________
chris-broussard-espn-1
_________________________________________________
Background of the Issue

Actually, si Chris Broussard, ESPN Reporter, ang nagsabi ng statament na “you can’t live an openly homosexual lifestyle and be a Christian.” Sumang-ayon lang ako gaya ng nakita n’yo sa taas. This was Chris’ reaction regarding the coming out of NBA player Jason Collins. I’m sure nabalitaan n’yo naman siguro ang shocking na pagladlad ni Jason earlier this week. Si Jason na ngayon ang first openly gay active player sa NBA! SHOCKING kung SHOCKING! 🙂

Personally, hindi ko kilala si Jason kasi hindi naman ako nanonood ng NBA. HELLO! Anong expect n’yo sa akin? Nakaka-amaze lang na inulan ng positibong suporta si Jason mula sa buong mundo. Nakakatuwa na maraming nagbigay suporta sa kanya kasama na ang no less than President Barack Obama himself. BONGGA! Ang saya-saya na ang dami ng naga-out lately. Deadma na kung mas nagiging stiff ang competition para magkaroon ng jowa sa gay community.;)

On the other hand, medyo inulan naman ng batikos si Kuya Chris dahil statement n’yang ito. Discriminatory daw si Chris sabi ng ilang individuals kaya may mga panawagang patalsikin siya o kaya i-suspend sa ESPN. Nakakaloka! Nagpahayag lang naman ng opinion si Sir Chris and gaya ng inaasahan, ganito ang naging comment n’ya kasi isa pala siyang born-again, Bible-believing Christian before pa. O, eto ang full statement ni Chris Broussard para mas maliwanag tayo:

“Personally, I don’t believe that you can live an openly homosexual lifestyle or an openly premarital sex between heterosexuals, if you’re openly living that type of lifestyle, then the Bible says you know them by their fruits, it says that’s a sin. If you’re openly living in unrepentant sin, whatever it may be, not just homosexuality, adultery, fornication, premarital sex between heterosexuals, whatever it may be, I believe that’s walking in open rebellion to God and to Jesus Christ. I would not characterize that person as a Christian because I do not think the Bible would characterize them as a Christian.”
____________________________________________________
homosexuality-and-the-bible
____________________________________________________
Ang Sampung Pananaw ni Madma on Religion and Homosexuality

(Paalala: Ang mga pananaw sa ibaba ay pananaw lamang ni Madma at hindi ng buong Yours Truly, Madma management. MANAGEMENT?! Wow naman ha! )

1. Naniniwala ako sa sinabi ni Chris Broussard at hindi ko nakikitang discrimatory ang pahayag n’ya. Legit ang comment n’ya at valid. Don’t get me wrong ha, hindi ko sinasabing masama ang mga homosexuals. Hello, ang bait-bait ko kaya! Excuse me! 🙂 Ang akin lang is, you can’t serve two Gods at the same time. You can’t embrace two lifestyles at the same time. Otherwise, lalabas kang hypocrite. At ayaw natin sa mga hypocrite! Ang weird naman na sinasabi mong Christian ka pero sa labas ay may same-sex relationship ka. Ang strange naman na kini-claim mong Christian ka yet panay ang pakikipag-sex mo sa kapwa mo lalaki or babae outside the church. It doesn’t make sense, right? Nakakaloka! Ang daming ganyan lately! Naku po. Dapat maging consistent tayo kasi baka malito si Lord. ‘Yung totoo lang, ok?

2. The teachings of God are very clear. And the bible is also clear about homosexuality. So, if you accept God and believe in him but you don’t follow his teachings, then there is some level of inconsistencies. Again, mahalagang maging consistent! Ayaw nating pinapasakit ang ulo ni Lord.

3. May mga nagsasabi na magkaiba ang take ng Old Testament sa New Testament when it comes to homosexuality. May mga nag-comment na magkaiba ang teaching ng dalawa sa aspect na ito. Seriously, hindi ko alam kung iba nga kasi hindi naman ako nagbabasa ng bible. Hindi ako bihasa sa mga teachings ni Lord. Paano ko naman nalaman na masama ang homosexual lifestyle? Well, ito ang itinuro ng simbahang kinalakihan ko. So, pakisabihan na lang ako kung may changes man sa bagay na ito. Let me know kung may portion sa New Testament na nagsasabing go na si Lord sa homosexual relationship. Timbrehan n’yo ako kung may bagong memo si Lord na ok na sa kanya ang homosexuality. Because apparently, I missed that memo.

4. May mga nagsabi rin na hindi naman clear ang Bible on homosexuality. Na hindi naman talaga tahasang sinasabi ng Bible na kasalanan ang homosexuality. Ok. Kung ‘yan ang paniniwala n’yo, go lang. Kung ang idea na ‘yan ang makakapagpayapa ng buhay n’yo, go. Kung ang thought na ‘yan ang magbibigay buhay sa inyo para magpatuloy sa mundo, why not. Pero para sa akin, ang statement na ito ay sinasabi lamang ng mga taong nagpapalusot. Ito ang kadalasang sinasabi ng mga taong pilit niyayakap at pinagsasama ang dalawang magkaibang mundo.

5. Para sa akin, ang pagsunod kay Lord is ALL or NOTHING. Hindi pwedeng mamimili ka lang ng mga bagay na susundin mo sa teachings n’ya kasi ‘yun lang ang convenient sa’yo. Anu ‘yun? Value Meal? Mamimili ka lang ng combination? You don’t fully believe in him kung hindi mo sinusunod LAHAT ng mga sinabi n’ya. You may believe in his existence pero not necessarily naniniwala ka sa kanya because believing is also FOLLOWING! Clear naman si God sa mga likes and dislikes n’ya, ‘di ba? So, kung hindi mo kayang sundin lahat, ekis na ‘yan. Walang partial effort. Walang partial points.
_____________________________________________________
Prasing-Almighty-God-our-Father-3-god-the-creator-19486614-842-595
______________________________________________________
6. Dati nagsisimba ako every Sunday sa Catholic church. Pero ngayon hindi na kasi may isang instance na sinabi ng pari na immoral ang pagiging homosexual. Naloka naman daw ako after hearing it so syempre labas naman ako agad sa Church! Na-judge na ako ‘eh. Bakit pa ako tatagal sa isang simbahang hinuhusgahan ako, ‘di ba?! Kulang na lang hulihin nila ako sa moment na ‘yun at silaban. SHOCKING! Kaya from then on, hindi na ako nagsisimba. Ayoko namang ipagpilitan ang sarili ko sa isang lugar na ayaw sa akin. Hello, ang ganda ko kaya! It’s their loss not mine. WOW. Kaya kung may alam kayong relihiyon na yumayakap sa kabadingan, sabihan n’yo ako at bibistahin ko. I’m up for grab. WOW. 🙂

7. Hindi ako naniniwala sa Bible kasi tao lang din ang gumawa n’yan at hindi si Lord ang mismong nagsulat n’yan. Kung ating babalikan, ang mga laman ng Bible ay sinulat ng mga disciples ni Lord based sa kanilang experience with God. So, essentially, subjective na rin ang laman ng n’yan. Ang dami na ring revisions ng Bible through the years so ang dami na ring mga teachings na nawala at naidagdag. And the fact na may mga nawala at naidagdag, that for me is already a form of subjectivity.

8. Naniniwala ako sa Diyos pero hindi ako naniniwala sa Diyos na sinasabi ng Bible. Naniniwala akong may higher being up there na nakatingin sa ating bawat kilos. Naniniwala akong may Diyos sa itaas na pwedeng kausapin ng kahit sino anytime, anywhere. At naniniwala akong mabait ang Diyos at hindi siya judgmental gaya ng portrayal sa Bible na parang ang hirap sumunod sa gusto n’ya kasi ang daming BAWAL! Naniniwala akong pwedeng magkaroon ng personal relationship with God without the help of priests or any religious leaders. After all, TAO RIN ANG MGA RELIGIOUS LEADERS! So, kung kaya nila kausapin si Lord, kaya rin natin. And since kaya rin natin, tayo na lang ang gumawa. Tayo na lang ang direktang makipag-usap sa Diyos. Kung kayo mo naman, huwag mo ng ipagawa sa iba.

9. Kung tatanungin mo ako kung mapupunta ako sa langit, ang sagot ko ay hindi ko alam kasi hindi naman ako ‘yung Diyos! Hello! 🙂 Pero kung tatanungin mo ako kung mabuti akong tao, ang sagot ko ay oo kasi naniniwala akong nakakasunod ako sa Diyos na pinaniniwalaan ko.

10. So anong point ko, simple lang, maging consistent sa mga bagay-bagay. Kung sinabi mong Christian ka, pakita mo sa LAHAT ng pagkakataon. Kung naniniwala ka sa Bible, sundin mo ang sinasabi nito sa LAHAT ng pagkakataon. Kung susunod ka sa aral ng Diyos, sundin mo LAHAT at huwag kang choosy. Ganun lang ‘yun. Nakakainis kasi ‘yung mga taong inconsistent. Sakit sa mata. Sakit sa bangs.

Ultimately, wala naman talagang personal nakita at nakausap ang Diyos so hindi natin alam ang real score ng mga bagay-bagay. Bible lang ang connection ng tao sa Diyos. And the shocking part is, iba-iba ang interpretations ng mga tao sa Bible. So, magulo talaga. 🙂 Walang may hawak ng katotohan! Ang tanging magagawa na lamang natin ay umasa na sana ang mga ginagawa natin sa mundo ay naayon sa tunay na kaloob ng Diyos. Mahaba at malawak ang usaping ng religion at homosexuality. At maraming bagay ang pwedeng masabi ng iba’t ibang tao hinggil dito.

Uulitin ko, ang lahat ng mga pananaw sa itaas ay sarili kong opinion. Kung hindi n’yo bet, go lang! Kung magalit kayo, go lang rin. Basta ito ang mga pinaniniwalaan ko. Everyone believes in something at ito ang mga bagay na kinakapitan ko bilang tao para magpatuloy sa mundong ito. Ngayon, kung iba ang paniniwala n’yo, sabihin n’yo lang at makikinig ako.

Yours Truly,

Madma

(Photo credit: http://www.gurusfeet.com/blog/homosexuality-attempt-laugh-god, http://www.revolutionmyspace.com, http://www.businessinsider.com, http://www.fanpop.com)

P.S. Today is Teddy Casiño day! Just in case hindi n’yo pa alam, siya lang ang tanging kandidatong deserving ng boto ko! Hindi na ako aarte pa, kay Teddy lang ako! #TeddyDay

Iboto natin ang nararapat! Iboto natin ang kandidatong tunay na maglilingkod sa mamamayan. 🙂
____________________________________________
183081_10151564265808750_2119361710_n

‘Dear PH’ na!!!

Dear fans and followers,

Hello everyone!

Start na naman ng panibagong linggo. Monday na naman, so trabaho na naman. Gosh. Ang bilis ng weekend! Parang lagi siyang may lakad at laging nagmamadali. Kaloka. Pero bawal ang BV! Monday ngayon kaya GV lang tayo. Dapat positive lang lagi. 🙂 So, dapat ang proper statement slash mantra natin today is “I sooo love my work! Sige, trabaho! Dagdagan n’yo pa ang trabaho ko. Kulang na kulang pa ang dami ng task ko. Alipinin n’yo pa ako. Go!” 🙂 Likey n’yo ba? Parang bordering to nababaliw na ang pota. Scary!

Gusto ko palang i-share na napapadalas ang pagbo-bowling ko lately. Ang sosyal, ‘no? Paeng Nepomuceno levels. 😉 Ang saya rin pala mag-bowling ha at nakakapagod din siyang tunay. Grabe! Akala ko dati super chill lang ng bowling. ‘Yung tipong ihagis mo lang ‘yung bola then that’s it. May mga twist pa pala ang game na ito. Shet. But I loved it! Medyo pumapalo rin sa more than 100 points ang score ko so not bad! Not bad at all! Bowling naman tayo kapag may time kayo. 🙂

Anyway, gusto ko pala kayong batiin ng happy ‘Dear PH’ day!

Yes, today is the day and there is no day but today! Ito na ang pinakahihintay nating araw upang ipagsiwagan ang lahat ng ating mga hopes and aspirations para sa parating na eleksyon through ‘Dear PH,’ a voter’s education campaign na naglalayong iparinig sa buong mundo ang sentimyento ng mga Filipino voters especially ng mga Pinoy netizens. It’s time to be heard! It’s time to speak up! It’s time to get involved!

Netizens, MAG-INGAY!!!

Huwag na kayong umaarte kasi super dali lang nito. Bawal ang nega! All you have to do is mag-blog, mag-tweet or mag-status sa FB about your hopes, aspirations, reminders and challenges for the Pinoy voting public. Ganun lang kadali, mga Ma’am. Walang ka-effort-effort. Very, very simple! At para mas magkaintindihan tayo, i-check n’yo ang mga samples sa ibaba.
_______________________________________________
best-tweets-1024x731
_______________________________________________
So easy, right? I know! Kaya wala na dapat ngasngas about it ha. Gamitin n’yo lang ‘yung keywords natin na ‘Dear PH’ para ma-capture ang shining moment n’yo. GO NA!!! 🙂

Sabi sa isang interview kagabi na napanood ko, democracy relies on active citizenry. Ang keyword is ACTIVE! Bilang isang mamamayan, dapat aktibo tayong nakikilahok sa paggawa ng malalaking desisyon gaya ng pagpili ng mga taong uupo sa gobyerno. Kaya bawal ang tumengga at manahimik! Dapat talaga nakikialam tayo kasi bansa natin ito. Bahay natin ito! Ang mga gusto natin ang dapat masunod! Kung hindi ka boboto at magsasalita, WALA KANG KARAPATANG MAGREKLAMO! Kung ‘di mo gagawin ang part mo bilang member ng bansang ito, WALA KANG KARAPATANG UMANGAL! So, speak up now or hold your peace forever. Huwag n’yong painitin ang ulo ko! Char. 🙂

At bilang Diva, ako na ang mauuna. GAME!!!
_______________________________________
family-enterprise
_______________________________________
Dear PH, sana ay tuluyan nang ma-ban ang potang inang political dynasties sa bansa. Sana manalo ang mga kandidatong magsusulong ng isang batas na tatapos sa matagal nang paghahari ng iilang pamilya! Tamaan sana ng kidlat o kaya dapuan ng ketong ang lahat ng mga pulitikong pumipigil para maisakatuparan ito.

Yes, mainit talaga ang ulo ko kapag nababanggit ang political dynasties. Hindi ko mapigiling magmura kasi sobrang nakakasulasok ang eksenang ito sa Pilipinas! TANGINA TALAGA. Grabe ‘yung ginagawang business ng ilang pamilya ang pagkuha sa position sa gobyerno! Ack. Nakakasuka kayo! Lahat ng miyembro ng pamilya ay pinapatakbo sa pulitika para masigurong manatili sa kanila ang kapangyarihan. After tumakbo ni Daddy, si Mommy naman. Tapos susunod na ang panganay na anak, then ‘yung sumunod na anak tapos ‘yung bunso naman. Kapag may posisyon na ang lahat ng members ng family, susunod na rito ang mga pinsan, mga apo, mga hipag at manugang. PUTANG INA! Patakbuhin n’yo na rin kaya pati mga katulong n’yo tsaka mga alaga n’yong aso at pusa?! Parang nakukulangan pa kayo sa posistion ‘eh. Shet. Sobrang gaguhan lang. Ang kakapal ng mukha ng mga hayop na ‘to. Sarap buhusan ng asido ang mga pagmumuka nila. Hay. Sorry for that outburst. 🙂

Huwag n’yo akong paandaran ng paliwanag na “everyone must be given equal opportunity to serve regardless of family name.” Fuck you kayo. So kame pa pala ang mali, ganun? Kame pa pala ang masama kasi kinu-kwestyon namin ang inyong karapatang tumakbo? SORRY HA! SORRY! Sige takbo lang kayo. Ito ang rubber shoes. Go, takbo! Nakakahiya namang ipagkaiit sa inyo ang karapatan n’yong ito. Bullshit.

Hindi na ako magme-mention ng mga names kasi baka ipatumba ako ni Mayor. Andami kong alam. Wahaha. 😉
__________________________________________
nancy2
__________________________________________
Dear PH sana po ay huwag manalo ang mga kandidatong OBVIOUS namang hindi qualified para sa posisyon. Sana po ay matalo si Nancy Binay.

Yes, deretsahan na talaga. Prangkahan na. Hindi ko kayang na magiging Senador si Nancy! Mas gusto ko pang mag-adik kaysa makita siya sa Senado. Grabe, tumatayo na agad ang balahibo ko sa thought na Senador siya. NO WAY!!! Scary!!!

Ate Nancy, hindi porket natural born citizen of the Philippines ka and able to read and write ka ay tatakbo ka na sa pagiging Senador. Hindi porket na-meet mo ang BASIC qualifications, ‘eh go na agad sa pulitika. Check, check din tayo ng background natin kapag may time. Ay, wala ka nga palang time. Busy ka nga pala sa ground campaigning lately. Sige, sorry. Baka naabala na kita. Ingat ka na lang. Huwag mo nga pa lang kalimutang mag-sunblock ha. Gamitin mo ‘yung may SPF 1,000,000,000 para sure na maprotektahan ka. Mahirap na. Baka hindi ka na namin makita. Concern lang ako sa complexion mo. Sana huwag mong masamain. ‘Yung totoo lang, Nancy ha? Keri.
___________________________________________
Top12Senatoriables
___________________________________________
Dear PH, sana huwag masilaw ang mga botante sa mga naglalakihang pangalan sa pulitika. Sana ay mas maging mapili at kritikal ang mga botante ngayon.

Ako ay kumakatok ngayon sa puso at isip ng bawat botante– piliin nating mabuti ang ating iboboto! Sana naman ay sapat nang hirap at dusa ang ating naranasan sa kamay ng mga maling pultikong ating naihahalal noong mga nakaraang eleksyon! Sana naman ay nadala na tayo. TAMA NA! Ito na ang pagkakataon nating itama ang mali at ituwid ang lahat ng mga kabaluktutan. Huwag na tayong magpadala sa mga paandar ng mga naglalakihan at tradisyunal na pangalan sa pulitika. Huwag na tayong makuha sa mga simpleng ngiti at kaway nila. Higit sa lahat, huwag na tayong papalinlang sa mga kandidatong wala namang alam kundi magtago sa kasikatan ng apelyido ng kanilang mga kamag-anak. Ipakita naman natin sa kanila na natututo na tayo at matalino na tayo ngayon!

Let’s do this!
_____________________________________________
pcos machine
_____________________________________________
Dear PH, sana ay maging malinis, kapani-paniwala at maayos ang parating na eleksyon. Sana ay kunin na lang ni Lord ang lahat ng mga kandidatong nagbabalak na mandaya at maghasik ng lagim sa May 13.

Sana talaga ay totoo ang sinasabi ng Comelec na more than 90 percent ready na sila para sa parating na halalan. Sana naman ay hindi lang pa-ratings lang ang statement na ito. Aaminin ko, hindi ko pa rin maalis ang mga agam-agam at kaba ko hinggil sa kalalabasan ng botohan lalo na at may issue pa sa source code ang mga machine na gagamitin. Sana maging maayos ang halalan. Sana nga talaga ay walang maging aberya. Sana walang masaktan. Haaay. Medyo afraid talaga ako pero deadma na! I will just take the word of Comelec on this. Haaay sana talaga maging maayos ang lahat!
_______________________________________________
At iyon naman ang mga ngasngas ako for our ‘Dear PH’ session. Kayo?! I wanna know! Mag-Dear PH na!

Visit the official site of ‘Dear PH’http://www.dear.ph/
_______________________________________________
CALLING ALL BLOGGERS

Tinatawagan ko rin ang kapwa ko bloggers na sumali sa ‘Dear PH’ campaign. Maging convener din kayo para best! Dali naaaaa!

Para sa karagdagang kaalaman, inaanyayahan ko kayong bisitahin ang website ng ‘Dear PH.’

Yours Truly,

Madma

(Photo credit: http://opinion.inquirer.net/40084/dynasties-threat-to-democracy, http://energizepinas.com/top-12-philippine-senatoriables-by-pulse-asia/, http://electionspinoy.blogspot.com/2012/03/comelec-finally-admitted-pcos-defective.html)

P.S. Gusto ko pala kayong yayaain na bumili ng copy ng pinakabagong book na friend kong author na si Ms. Eliza Victoria titled “Unseen Moon.” Magugustuhan ‘to ng mga horror fanatics na kagaya ko kasi suspense/thriller ang theme ng book na ito! SHOCKING!!!

Tara bili na tayong lahat! Order now! Ang librong ito ay may limang pasabog na stories na tiyak na ikaloloka n’yo! Suportahan naman natin ang mga local authors! GO!

Congrats sa bago mong book, Eliza! Excited na akong mabasa ito. 🙂

Para sa mga gustong mag-pre order, punta lang kayo sa link na ito: http://elizavictoria.com/2013/04/25/pre-order-the-print-copy-of-unseen-moon-until-may-10-only/

ORDER NOW!

P.P.S. Maraming salamat sa bonggang suporta n’yo sa comeback post ni Madma. Talaga namang pumalo tayo sa Top 29 Most Read and Visited blog in the Philippines under the Personal category based on http://www.topblogs.com. SOBRANG LAKAS!!! Take note, nasa Top 156 ang YTM bago ako mag-post ha. Grabe! Lipad kung lipad. 🙂

Salamat ng sooobrang sa suporta! Salamat sa pagtangkilik! Salamat sa pakikinig!

I love you all. 🙂

SHOCKING KA, Nancy Binay!

Dear fans and followers,

The DIVA IS SOOO BAAACK!!!

Hello naman sa inyo! Magkakakilala pa ba tayo?! Do I need to introduce myself again?! I don’t think so. WOW. 🙂 Kamusta naman kayo? Chika time naman!!! ENERGY NAMAN! Parang ang lousy n’yo! Is this how you welcome your Queen?! No waaaay! 🙂 Sorry for being so mum these past few weeks ha. Sorry naman sa matagal na pananahimik. But I’m here to break my silence now. Lakas maka-The Buzz. 🙂 Ang dami na rin kasing lumabas na chismis about my absence so mabuti na rin ‘yung magbigay ako ng official statement. Ang sikat ko ‘no?! Nakakaloka.

First of all, hindi totoong nagka-cancer ako gaya ng lumabas sa mga balita sa TV. Sa TV talaga?! Super healthy ko now to the point na malapit ko nang palitan si Ms. Cory Quirino sa pagiging ‘Health & Lifestyly Diva.’ Kabahan ka na Ms. Cory. Madma is on her way. HER?!

Hindi rin totoo na nagka-jowa na ako kaya hindi na ako nagbo-blog. How I wish true ang chikang ito. Alam n’yo wala nga akong crush ngayon ‘eh so naghahanda na talaga akong maging madre. Malapit na akong mag-expire sa totoo lang kaya naman nako-consider ko na rin ang pagpasok sa kumbento! Sana naman welcome ako doon. 🙂 Wala ring katotohanan na nag-asawa na ako ng foreigner ha. Hindi ako ‘ganun ka-exotic para magustuhan nila! Between me and iguana, parang mas pipiliin ng mga foreigners na makasama ang iguana. Hindi ko kayang levelan ang pagka-exotic nila.

Not true din na nalulong ako sa Casino kaya hindi ako nagpapa-sense sa blogging world. Hindi ko nga alam kung paano mag-poker so ekis ang news na ‘yan. Hayaan n’yo, papaturo ako kay Ms. Nora Aunor kapag may time. Char. 🙂 And please, once pa lang ako nakapasok ng Resorts World Manila ha. Kumain lang ako ng buffet dinner kasi nagutom ako. Ok lang?

Kasinungalingan din ang chikang nagpunta ako sa states para magpalaglag. Gosh! C’mon guys, you are better than this. Anong ilalaglag ko? Tae? Kaloka.

Not true din ang balitang na-rehab ako dahil sa drugs. I don’t do drugs. I only do guys. WOW. Bastusan. 🙂

Panghuli, hindi totoong yumaman na ako at kasalukuyang nagpaparetoke ng boobs at nagpapa-sex change. Hindi ko kaya ang tapang ni Ms. BB Gandanghari when it comes to medical operations. Mahina ang tolerance ko sa pain so hindi ko kayang mag-undergo ng mga malakasang operations. Diyos ko, simpleng toothache nga lang ‘eh halos ikamatay ko na, retoke pa?! NO!

Ang totoo talaga is may inaayos lang akong “special project” for myself. Yes, it’s always about myself. I love myself ‘eh. Kayo ba, love n’yo ba ang self n’yo? 🙂 Pero hindi ko muna siya papasabugin now kasi hindi pa masyadong final. Kilala n’yo naman ako, pasabog kung pasabog. Ayaw natin ng mga flopchinang projects! So, in the meantime, ibigay n’yo muna sa akin ‘to. Malalaman n’yo rin ito very soon! As in very, very soon. Sana talaga ma-push! Pota.

Anyway, welcome back to me! I AM SO BACK and I AM HERE TO STAY. Because what doesn’t kill you, makes you stronger. Ano raw?! 🙂 I miss blogging! And I Miss Saigon. Char! 🙂 Madma is back for real. Mas pinalakas. Mas pasabog. Mas palaban. YES, dahhling!!! YES!!!

And for my my comeback post, gusto kong pag-usapan natin ang something related sa upcoming elections. At gusto kong ilagay nang very light sa spotlight si Ms. Nancy Binay. Game!
______________________________________________
nancy-binay-e1362084961145
______________________________________________
Sa totoo lang, ako ay lubhang nababahala sa mataas na ranking na nakukuha ni Ms. Nancy Binay sa mga surveys sa pagka-Senador. Sa mga hindi nakakaalam kasi busy sa kapapaypay dahil mainit, pang-3rd na po si Ate Nancy sa top senatoriables based on the recent Social Weather Stations (SWS) survey. SHOCKING!!! Bangungot. Hindi ko kaya. Mas scary pa ang news na ito kaysa sa mga favorite horror films ko na ‘Insidious’ at ‘Drag Me to Hell.’ Gosh.

Hindi ko talaga bet si Nancy Binay na maging isang Senador ng bansang ito. Don’t get me wrong ha. I don’t have anything against her as a person and her complexion. Hindi kame friends nor enemies. Hindi ko siya kapit-bahay at hindi ako taga-Makati. Jina-judge ko lang siya bilang isang taong nag-aapply sa isang public post. Hindi talaga ako convince na kaya n’ya maging isang Senador kaya HINDI KO SIYA IBOBOTO. I don’t see her fit for the post and it’s killing me to see her soar higher in terms of survey ranking along with my pet peeves– Cynthia Villar, Bam Aquino, Grace Poe and JV Ejercito. Scary!!!

Siguro by now, alam na alam n’yo na ang twist ng buhay ni Ate Nancy: na wala siyang solid track-record sa public service, na napilitin lang siyang tumakbo, na accidental candidate lang siya, na personal assistant lang siya ng daddy n’ya before, na mother of four lang siya, na ‘she is THE daughter of VP Jejomar Binay’ etc. Marahil ay narinig n’yo na ‘yang mga chikang ito so hindi na ako magpo-focus dito. Maha-high blood lang ako nang todo kung tatalakayin ko pa ‘yan isa-isa so I will not dwell on them na lang. Baka putukin lang ako sa inis so ‘wag na lang. Hahayaan ko na lang na ang sariling konsensya ni Ms. Nancy ang umusig sa kanya in terms of her unqualified background.

Gusto ko na lang mag-react sa annoying attitude ni Ms. Nancy pagdating sa mga public debates. Grabe ‘yung iwas na iwas si Ate Nancy sa mga debates ha! Diyos ko. Hindi na nga siya qualified na maging Senador, ayaw pa n’yang lumaban at i-grab ang mga opportunities para makilala siya ng mga tao. Pwede ba, debate lang ‘yan. Hindi ‘yan nakakamatay! Bakit, hindi ba kasali sa job experience n’ya bilang Personal Assistant ng Daddy n’ya ang paglahok sa mga debates? So wala rin siyang formal background on debates? Ganun?! LAHAT NA LANG WALA SIYA! Gosh. Ano na lang ang meron siya?!
______________________________________________________
Nancy
______________________________________________________
Nancy Binay: “I have no time to debate”

Wala rin kameng time para sa’yo! Nyeta. Choosy much, Ate Nancy? Kilalang-kilala na? Sikat na sikat na? Huwag mo kameng paandaran na wala kang time for debates. Pati ba naman TIME wala ka pa rin?! Diyos ko. Lahat na lang talaga wala ka. LAHAT! Nakakatakot na ha. Sayang, gusto pa naman sana kita bigyan ng chance. Gusto ko pa naman sana malaman kung gaano ka katinik magsalita at magpahayag. Gusto sana kitang mas makilala pa. Kaso umaarte ka ‘eh. At wala akong time sa mga taong umaarte. Chura mo. Irita.
______________________________________________________
Nancy Binay JR Lopez Gonzales PoliTikalon Blog
______________________________________________________
Nancy Binay: “I prefer to campaign on the ground instead of joining debates”

Hinay-hinay rin sa ground campanigning Ate Nancy kasi nakaka-itim ‘yan. Ingat-ingat din lalo na kung hindi naman tayo biniyayaan ng makinis at maputing kutis. Hindi ko bibilhin ‘yung alibi mo na mas kailangan mong mangampanya at mag-ikot kaysa sa makipag-debate. Excuses, excuses, excuses. Daming ngasngas! Debate lang ‘yan, Ate! Strategy wise, mas powerful ang pagsali sa isang national public debates kaysa sa paisa-isang bisita sa mga lugar. Mas malawak ang maaabot mo na botante kung sasali ka sa mga debates lalo na kung may malakasang media coverage. Hindi mo rin ba ito na-realize? OMG! Parang wala ka ring mahusay na diskarte, Ate Nancy. Lahat na lang wala ka! LAHAT! Sumakit na puson ko sa’yo. Parang rereglahin ako sa atake mo.
_______________________________________________________
nancy2
_______________________________________________________
Nancy Binay: “Let’s win the Senate race first, then debate in the plenary”

Nakakatawa ka talaga, Ate Nancy. Pinapasaya mo ang araw ko sa mga pakulo mo. Ang choosy-choosy mong tunay. Kumbaga sa singer, ayaw mong kumanta sa audition, gusto mo doon ka na kakanta sa recording studio agad. IKAW NA TALAGA! Tandaan mo, nag-apply ka sa amin so dapat ngayon mo ipakita ang husay at galing mo (kung meron man) at lahat ng makakaya mo! Nasa audition stage ka pa lang pero parang may attitude ka na. Diva na agad? Hindi na kita kaya, Ate Nancy! Nag-iisa ka!
________________________________________________________
Nasusurpresa ako na ganito ang attitude mo on debates. Taga-UP ka rin, ‘di ba? Tourism ang course mo, right? Hmmm. Parang hindi halata. Akala ko ang course mo sa UP ay BS Sports Science, Major in Boxing. Char. 🙂 Last time I checked, tinuro sa school natin na makipag-debate at magpahayag. Nahihiya ako for you, girl. Gusto kitang i-disown as my schoolmate. Hindi ko alam kung paano ka pumasa ng UP nang hindi nakikipag-debate. Hindi ko ma-imagine kung paano ka nakaabot sa graduation nang hindi lumalaban sa pakikipagtalastasan. Aaaay, I forgot, BINAY nga pala ang apelyido mo. Ang convenient rin talaga ng mabango mong surname ha.

Overall, hindi kita talaga iboboto. Wow. Prangkahan! 😉 Hindi ako bilib sa campaign strategy mo. Hindi ako natutuwa sa mga pakulo mo. Hindi ako naniniwala sa’yo. Hindi ako bilib sa pagkukubli mo sa safe-side up to now. Hindi ubra sa akin ang pa-low profile sa mga issues at patuloy na pagtatago sa kasikatan ng apelyido mo. Sobrang daling basahin ng cheap tactics mo, Ate Nancy. Walang kalatuy-latoy. Walang kadating-dating. You are Nancy Binay and that’s it. Nothing more, nothing less.

At nga pala, hindi namin kailangan ng “Nanay de Pamilya” sa Senado. May mga kanya-kanya na kameng Nanay na ‘di hamak na mas magaling kaysa sa’yo. Kung ikaw lang ‘din ang mag-aaruga sa amin, NO THANKS NA LANG. Kaya na namin! And saan mo ba kasi nabasa na kailangan ng Nanay sa Senado?! Maling classified ads yata ang source mo, ‘te! Just in case hindi mo alam, ang kailangan namin ay isang MAHUSAY NA SENADOR na magsusulong ng mga batas para sa ikakaunlad ng bansang ito. Kung ‘Nanay’ ang peg mo, sa orphanage ka na lang mag-apply kasi ‘dun kailangang-kailangan ng mga Nanay. For sure, dudumugin ka at pagkakaguluhan sa mga bahay ampunan. Sure win ka ‘dun, Ma’am!

Bahala na nga. Basta patuloy akong magdadsal na HINDI MANALO si Nancy Binay. Palakasan na lang kame ng dasal kay Lord! Kung kailangan kong sumayaw sa Obando para matalo siya, sige gagawin ko. Kung kailangan kong mag-alay ng buhay na manok at 12 na itlog sa puno na Balete para hindi manalo si Nancy, sige go! Natatakot ako na baka makalusot si Nancy bilang isang Senador. Gosh. 😦 Hindi ko ito kakayanin! Mas natatakot pa ako rito kaysa sa fact na wala akong jowa. Haaay… WAKE UP, EVERYONE!!!

Bahala na kayo, Lord!!! I leave it up to you.

Yours Truly,

Madma

(Photo credits: http://www.newsinfo.inquirer.net, http://www.facebook.com/nomoreepal/posts/530437080335533, http://www.politikalon.blogspot.com, http://www.politicallyintoxicated.blogspot.com)

P.S. Abangan ang mas pasabog na post ni Madma sa mga susunod na araw! Na-miss ko talaga kayo kaya babawi ako.

Maraming salamat sa patuloy na suporta! I love you all. ❤

Si Madma at ang ‘Dear PH’

Dear fans and followers,

Hello everyone! Ang best ng week na ito bilang 3 days lang ang pasok. SHET! Ready na ba kayo sa long vacation?! Excited na ako magpahingaaaaa. 🙂 By the way, when I say “pahinga,” I don’t mean “mamatay” ha. SHOCKING ‘yan! Tamang pahinga lang ‘yung magigising pa rin naman. Mabuti na ‘yung malinaw kasi baka malito si Lord at maging iba ‘yung interpretation n’ya. Gosh. 🙂

Anyway, I just want to make an announcement.
___________________________________________________
DearPH
___________________________________________________
Isa pala si Madma sa mga pasabog conveners ng bonggang-bonggang voter’s education campaign na ‘Dear PH.’ Yes, kasali talaga ang Diva! Shout ouch naman sa pagiging relevant ang YTM! 🙂 Huwag kayong malito ha. Iba ang ‘Dear PH’ sa ‘PH Care’. Hindi ito brand ng panlinis ng pepe. Hindi ako naga-advertise ng product! Please. Charoth. 😉

ANO NGA BA ANG DEAR PH?

Para sa inyong kaalaman, ang ‘Dear PH’ ay isang open letter campaign initiative ng Vote Report PH na naglalayong iparinig sa buong mundo ang sentimyento ng mga Filipino voters especially ng mga Pinoy netizens. Ang taray, ‘di ba? Ito na talaga ang tamang panahon para mangalampag! Ito na ang tamang avenue para mag-ingay! Ito na ang chance para marinig! THIS IS IT! Let’s do this. 🙂

Gaya nga ng sinabi ko, gagawin ko ang lahat para makiaalam sa darating na eleksyon at para masigurong mga KARAPAT-DAPAT na kandidato lamang ang manalo sa posisyon. Hindi na talaga ako makakapayag na maluklok na naman ang walang kwentang tao para mamahala sa bansang ito! Tangina. Kaya naman, gusto kong gamitin ang YTM para maging tulay para mahikayat kayong maging bahagi rin ng ‘Dear PH.’

Sobrang excited ako ‘Dear PH’ kasi magandang kampanya ito ngayong panahon ng eleksyon. Napaka-relevant n’ya talaga. ‘Di hamak naman na MAS RELEVANT ito kaysa sa Kris Aquino-James Yap and Heart Evangelista-Francis ‘Chiz’ Escudero issue. PLEASE LANG! Tigilan ako ha. LAHAT pwedeng sumali sa ‘Dear PH.’ Walang kagastos-gastos, walang ka-effort effort!

ANO BA ANG GAGAWIN?

Very simple lang! Mas simple pa sa sex. Char. 🙂 Sa darating na April 29, 2013, inaanyayahan ko ang lahat na mag-blog, mag-tweet o ‘di kaya ay mag-post about your hopes, aspirations, reminders and challenges for the Pinoy voting public. Ganun lang! AARTE PA? Huwag kayong mag-alala, walang catch ‘to sa dulo. Hindi kukunin ang kidney n’yo rito. Walang hidden charges ‘to. Ganun lang talaga siya ka-simple. Huwag kayong praning. 🙂

Ito na ang chance para magamit n’yo ang Facebook, Twitter or blog n’yo sa pasabog na paraan!

Mag-iingay tayo nang todo sa April 29, 2013. Ipaparinig natin ang ating boses!!! Markahan n’yo na ang araw na ‘yan ha. Medyo matagal pa naman so may time pa kayo para makapaghanda nang bongga! Pwede pa kayong magpa-kulot ng hair o ‘di ay magpa-manicure para super pasabog n’yo sa April 29. 🙂

O, eto ang sample tweets para ‘di kayo malito. Parang nalilito kayo ‘eh. Grabe parang ang hina n’yo. Charot. 🙂
______________________________________________________
Best-Tweets-1024x731
______________________________________________________
SUPER DALI LANG, right?!

Sali na kayo, mga fans! Markahan n’yo na ang April 29, 2013 bilang ‘Dear PH’ day natin. Sama-sama nating ipagsigawan ang lahat ng mga hopes and aspirations natin sa parating na eleksyon para naman tablan ‘yung mga kandidatong tumatakbo lang para mangurakot sa bayan. Gosh. Ayoko na mag-mention ng specific names ng mga trapong politiko ha. Baka mapaaway na naman ako. Holy Week ngayon so wala akong time d’yan. Next week na lang. 🙂

CALLING ALL BLOGGERS

Tinatawagan ko rin ang kapwa ko bloggers na sumali sa ‘Dear PH’ campaign. Maging convener din kayo para best! Dali naaaaa! 🙂

Para sa karagdagang kaalaman, inaanyayahan ko kayong bisitahin ang website ng ‘Dear PH.’ Here is the link: http://www.dear.ph/
____________________________________________
Dear-PH-Header2
____________________________________________
GO NA! Attack na. Andy’an na lahat ng information about this campaign. Excited na ako!!!

Maging maalam. Makialam.

Yours Truly,

Madma

P.S. Bukas ang pasabog na payuhan natin! Abangan n’yo ang nakakalokang storya natin. 🙂