Madma Reacts: Cynthia Villar vs. Nurses, Willie-Ethel Feud and Sabah Standoff

Dear fans and followers,

Hello naman sa inyong lahat! Kamusta naman ang life? Ang tagal kong hindi nakapag-post ha. Sorry naman. Babawi ako nang todo today. Game! 😉

Sooobrang daming nagaganap ngayon sa Pilipinas. GRABE! Nafi-feel n’yo rin ba?! Kaliwa’t kanan ang mga pasabog araw-araw. NAKAKALOKA! Napakaingay ngayon ng social media sa pinaghalu-halong mga issues and controversies from all walks of life. And’yan ‘yung lumalalang Sabah standoff, mga nakakalokang election-related news, issue sa Tubbataha, issue ng DSWD versus Typhoon Pablo survivors, issue sa tumataas na HIV cases, etc. Take note, national political news pa lang ‘yan, hindi pa kasama d’yan ang Willie Revillame-Ethel Booba-Ate Gay feud, ang Cacai Bautista and Mario Maurer “relationship,” ang pagpapaiksi ng buhok ni BB. Gandanghari, ang awayan ni Ai ai Delas Alas and her jow, ang isyung tomboy daw si Yeng Constantino etc. GOSH! Wala pa rito ang world news ha gaya ng pagkamatay ni Venezuelan President Hugo Chávez, ang gyera sa Syria, Egypt and Libya etc. Ang dami!!! Kingina. Isang araw ka lang na hindi makapag-check ng Twitter or Facebook, lost ka na agad sa mga happenings!

Ibang level na rin talaga ang nagawang pagbabago ng social media sa buhay natin ‘no?! Mas lalong mabilis ang dating ng mga balita kaya mas bumibilis din ang pacing ng buhay natin today. Ang saya, saya! Kaya challenge talaga ang magcatch-up ngayon sa mga balita. Kaya nga ba’t mas tumataas lalo ang chance na hindi na ako magkaka-jowa. Oh no! 😦 Busy ako lagi sa kakakeep-up sa mga kaganapan sa bansa at sa mundo. Nawawalan na tuloy ako ng time maghanap ng jowa. Nagre-ready na nga akong maging matandang dalaga ‘eh. DALAGA?! BABAE?! Char. 😉

Anyway, gusto ko palang mag-react muna sa ilan sa hot issues ngayon. Hahabol muna ako! GAME! 🙂
___________________________________________________
Rep. Cynthia Villar versus Nursing Profession

Naging mainit na usapan din ang naging pahayag Rep. Cynthia Villar about sa nursing profession sa isang show sa GMA News TV. Talagang nag-fiesta ang balitang ito sa feeds ko sa FB and sa Twitter! SHOCKING! Pero bago ang comment ko, panoorin muna natin ang actual statement ni Ms. Villar para ma-refresh tayo.
___________________________________________________

___________________________________________________
ANO DAW?! Nakakaloka naman ‘tong si Ms. Villar. Hind ko kinaya!!! Napanganga ako sa statement n’ya. Muntik nang matanggal ang pasta sa ngipin ko sa panliliit n’ya sa nursing profession. MY GOD! Kaya naman pala abot-langit ang galit ng mga nurses kay Rep. Villar ‘eh. Totoo namang nakakainit ng dugo ang mga sinabi ni Ma’am. Ako ngang hindi nurse ay na-offend after hearing it ‘eh, what more pa kaya ‘yung mga totoong nurse na nagpa-practice ng kanilang profession. Gosh.

Hindi biro ang maging isang nurse. BUHAY ang hawak nila at wala ng mas delikadong trabaho sa mundo kaysa sa mga profession na humahawak ng buhay ng tao! Final ‘yan! Para sabihin na “hindi naman kailangan maging ganun kagaling” sa nursing profession ay parang ka-level na rin ng pagsasabing mamatay na lang lahat ng may sakit sa hospital! Nakakaloka ka Mrs. Villar! Sakit mo sa panga!

Ako nga never nangarap maging nurse kasi ibang tapang ng loob ang kailangan sa profession na ito. Hindi ko kayang mag-injection, mag-process ng dugo, mag-alaga ng may malulubhang sakit at mag-assist sa isang major operation. Hindi ko kaya! Matapang ako as a person pero hindi ko tinataglay ang required level ng tapang para maging isang nurse. Kaya mataas ang tingin ko sa mga nurse kasi hindi ko kaya ang kanilang ginagawa. Kung ako magnu-nurse, baka mauna pa akong mahimatay sa mga inooperahan. Baka magtitili lang ako habang nag-assist sa panganganak ng isang buntis. Baka maloka lang ako habang nagtutuli ng mga batang lalaki! For sure, eeksena lang ako sa hospital kapag naging nurse ako so ‘wag na lang. 🙂

Hindi ko bibilhin ‘yung palusot na kinapos sa oras si Mrs. Villar kaya hindi siya nakapagpaliwanang nang mabuti sa show. Excuse me! I’ve heard enough and ok na ‘yun. Maliwanag naman ‘yung pino-point n’ya. Kung gusto n’ya pang magpaliwanang further, sa pinakamalapit na barangay or presinto na lang siya magpunta! At hindi rin ako natutuwa sa pagkontra n’ya sa pagpapasara sa ilang nursing schools lalo na ‘yung mga schools na hindi naman nakakapag-produce ng board passers. Maliwanag na mas concerned si Mrs. Villar sa pagkalugi ng mga negosyanteng may-ari ng mga chakang private nursing schools na ito kaysa sa paghigpitan sila para maitaas ang quality ng nursing education sa bansa. Sa businessmen naman pala kampi si Mrs. Villar. Oo nga pala, businesswoman din si Madam. Nakalimutan ko. Alam na!

Well, never naman ako natuwa kay Rep. Villar bilang kandidato. Hindi ko na siya bet sa unang araw pa lang ng paglabas ng pangalan n’ya bilang isa sa mga senatorial candidates. Pinatunayan n’ya lang lalo na tama ang desisyon kong huwag siyang iboto. 🙂 Dahil d’yan, isinama ko na siya sa final list ko ng mga kandidatong HINDI ko iboboto EVER along with Nancy Binay, Jamby Madrigal, Bam Aquino, Grace Poe, Loren Legarda, Tingting Cojuangco, JV Ejercito, Jack Enrile, Ernesto Maceda and Risa Hontiveros. So far, kay Mr. Teodoro Casiño lang lahat ng boto ko! Wow. Akala mo naman marami ‘yung boto ko. 🙂 Inaaral ko pa ‘yung pakulo ‘nung ibang candidates so balikan ko na lang kayo kung iboboto ko sila or not.

Good luck na lang sa pagkapanalo mo, Rep. Villar. Medyo career suicide rin ‘tong ginawa mo. Ikaw na mismo ang nagpabagsak sa sarili mong kandidatura. Taray! 🙂 Yes, nag-apolgize ka na pero gaya nga ng sabi ng iba, ‘the damage has been done.’ Hindi ka na makakalimutan ng mga Pinoy dahil d’yan. MARKADO KA NA, MADAM!
__________________________________________________
Willie Revillame versus Ethel Booba and Ate Gay

___________________________________________________
At nagkatotoo na nga ang hula kong masisibak din agad itong si Ethel Booba sa show ni Willie Revillame na “Wowowillie.” Day one pa lang, sobrang na-feel ko na agad na magka-clash ang personalities nilang dalawa. Pareho kasi silang strong! Parang bomba lang ‘yung mga personalities nila na sasabog anytime. At sumabog na nga last February 28! Kaloka. 🙂 Grabe ‘yung nagkakatotoo ang mga hula ko lately ha. Kabahan na sila Madam Auring! Malapit ko na sila maagawan ng career. Char. 😉 You don’t do that to me!!! 🙂

Gaya nga ng sinabi ko, hindi ko gusto si Willie Revillame. Bukod sa nayayabangan ako sa kanya, hindi rin ako nagagaling sa hosting skill n’ya. Sobrang nai-stress kaya ako sa hosting antics ni Willie kaya hindi ko siya matagalan sa TV. Laging may parinig. Laging paangas. Very bosy din siya at higit sa lahat, nanlalalaglag siya ng co-host sa ere! Kairita! Hindi ko kinaya ‘yung litanya n’ya sa TV against Ethel Booba at Ate Gay ha! GRABEEEEEEEEEEE!!! Kailangan talaga ilalabas pa sa NATIONAL TV ang ganitong mga chika?! YOU DON’T DO THAT TO OTHERS!!! Ang professional naman ni Sir Willie. Palakpakan naman natin siya! Siya na ang idol ko when it comes to professionalism from now on. Kapag nagkaroon ng seminar on professionalism, kukunin ko talaga si Willie bilang speaker. Sobrang na-master n’ya ‘yung art ng professionalism ‘eh. BRAVO!

Sa totoo lang, mas funny and talented si Ethel Booba and Ate Gay kay Willie. Milya-milya ang layo ng talent nina Ethel and Ate Gay sa talent ni Willie. Walang duda! Talent-wise, mas magbabayad ako para panoorin sina Ethel and Ate Gay sa shows and concerts nila kaysa sayangin ang kuryente ko sa pagnood ng show ni Willie. Pota. Mas matutuwa pa akong manood ng M2M na porn kaysa sa makinig sa stresfful antics ni Kuya Willie.

Nakakainit ng ulo ‘yung sinabi pa talaga ni Willie na tinutulungan n’ya sina Ethel and Ate Gay. Kailangan pa bang pinagsisigawan na tumutulong ka sa ibang tao?! You don’t do that to me! 🙂 At grabe din ‘yung ilang beses inulit ni Willie na “siya ang producer at siya ang nagpapa-sweldo” sa mga staff ng show ha. Sakit sa tainga. ‘Eh ‘di ikaw na! You are the market! You are the world! You are everything! Hay naku, ewan ko sa’yo Willie. Dami mong ngasngas.

Hindi ko alam ang tunay na naganap sa ‘dressing room incident’ pero regardless, hindi tamang magsermon sa National TV. Pari lang ang allowed mag-sermon on air. Kairita! Hindi tamang ipinapahiya at nililibak ang mga kasamahan sa trabaho. Hindi tamang inilalabas ang ‘away ng pamilya’ sa publiko. Kung pamilya ang turing ni Willie kina Ethel and Ate Gay, bakit n’ya siniraan ang dalawa sa harapan ng TV? Ganyan din ba siya sa mga real life kapamilya n’ya?! Gosh! Buti na lang hindi ko kamag-anak si Sir Willie ha. Afraid!

To Ethel Booba, huwag ka ng bumalik sa show ni Willie! Kawawa ka lang sa show na ‘yan. Mabubuhay ka naman kahit hindi ka dumikit sa kanya. Talented kang tao at maraming nagbubukas na opportunities sa mga talented na tao. Hanga ako sa husay mo sa comedy at lalo na singing prowess mo. Siguro, konting reflect lang sa attitude at mas aralin mo pang maging sensitive at makisama sa ibang tao. 🙂

To Ate Gay, na-sad akong bumalik ka sa show. WHY oh why?! 😦 Kakawawain ka lang d’yan! Gosh. Pero sige, malaki ka na. Alam mo na ‘yang ginagawa mo. Good luck na lang sa’yo. Sana hindi na ulit kayo magka-engkwentro ni Kuya. Aabangan na lang namin ang susunod na yugto sa pakikipagsapalaran mo sa very professional na si Willie. We’ll wait and see. 😉
_____________________________________________________________________
Sultan Jamalul Kiram III versus PNoy and Philippine Government

_______________________________________________________________________
SOOOBRANG dismayado ako sa paglala ng Sabah standoff na umabot pa sa pagkamatay ng ilang kababayan nating Pilipino! Kingina. Ano na ba ang peg natin, PNoy?! Hahayaan na lang na pulbusin ng Malaysian government ang grupo ni Sultan Jamalul Kiram III?! My God. Nadudurog ang puso na makitang nauubos at unti-unting namamatay ang mga supporters ni Sultam Kiram dahil sa nakapakawalang-kwentang paghandle ng PNoy administration sa insidenteng ito. NAKAKALOKA. 😦

Sobrang sad ‘nung fact na mas kumakampi si PNoy sa Malaysian government sa halip na igiit ang ownership ng Pilipinas sa Sabah. SOOOO DISAPPOINTING! 😦 Nakakairita ‘yung hindi direktang hinaharap ni PNoy ang ugat ng gulong ito. Focus nga tayo! Ang main issue ay ang PAG-RECLAIM ng Sabah sa Malaysia! Ito ang MAIN topic. ‘Wag tayong mag-focus sa pagtugis sa mga taong nagtulak sa grupo nila Sultan Kiram para gawin ang paglusob. Huwag nating pagbuntunan ng galit sina dating Pangulong Gloria-Macapagal Arroyo at Nur Misuari bilang sinasabing mga utak ng panggugulong ito. Huwag tayong mag-focus sa balitang binayaran ni Sultan Kiram ang mga supporters n’ya para sumama sa kanya. Huwag tayong mag-focus sa pagbibilang ng mga ikakaso sa grupo ni Sultan Kiram dahil sa “paglabag” sa konstitusyon ng bansa. Let’s deal with those later kasi HINDI ITO ANG ISSUE!!! Tangina. Nalilihis na tayo!!! Kung anu-ano na ‘yung topic! Kung anu-ano na ‘yung pinag-uusapan. FOCUS NGA!!! Gosh. Rereglahin ako sa ginagawa ng gobyerno!

Regardless kung sino ang nagtulak kina Sultan Kiram and regardless of the timing, the fact still remains na LEGIT ang pinaglalaban ng grupo ni Sultan Kiram. Huwag n’yo kaming paandaran ng kung anu-anong mga side news! Humarap tayo sa main issue at iyon ang lutasin natin. Sobrang nakakaasar ang peg ni PNoy sa case na ito. Nakakairita ‘yung iniipit pa ng gobyerno sina Sultan Kiram sa halip na hikayatin silang makipagsanib-pwersa sa pamahalaan para pag-usapan kung paano mas palalakasin ang call para mabawi ang Sabah! 😦 At the end of the day, laban ng Pilipinas ang laban ng grupo ni Sultan Kiram kaya hindi tamang gipitin sila lalo at itratong terorista. NAKAKALOKA TALAGA! 😦

SOOOBRANG duwag ng gobyerno ni PNoy sa pag-reclaim ng Sabah! Tangina lang. Parang nagbubulag-bulagan pa rin ang pamahalaan sa kabila ng mga solid evidence na Pilipinas ang may-ari ng lupaing ito. ANO BA ANG PEG N’YO?! Hintayin munang maubos ang grupo ng Sultan bago kayo ma-convince na ipaglaban ang ownership ng Pilipinas sa Sabah?! EWAN KO HA! Nakakainit ng ulo. Galaw-galaw naman d’yan oh!

And one more thing, pwede ba PNoy tigilan mo muna ang pangangampanya sa Team LP at mag-focus muna sa EFFECTIVE na pag-solve ng Sabah standoff? Pwede ba ‘yun ha?! ‘Di ba kame ang ‘boss’ mo? Pwes, ito ang utos ng boss! Huwag mo na sanang hintaying maubos ang grupo ni Sultan Kiram bago pa tumutok sa issue na ito. Tandaan mo, hindi ka campaign manager. PRESIDENT ka! Gosh.

High-blood!

Yours Truly,

Madma

(Photo source: http://www.ph.news.yahoo.com)

P.S. Bon voyage naman sa inyo, Andrea Aniban and Mark Vigare. Galingan n’yo sa Australia ha. Enjoy lang kayo d’yan. ‘Wag kalimutan ang referral ha! Kapag may pogi kayong nakita d’yang Aussie, pakidala na lang pagbalik n’yo rito sa December. I’ll take it from there. Bwahahaha. 😉

I love you both! Enjoy!
_____________________________________

_____________________________________

Shout ouch naman kay Ms. Timmy Rivera-Castor for the photo! See you soon ulit, girl. 🙂

Madma Reacts: Sabah Standoff

Dear fans and followers,

Hello everyone! Kamusta na kayo?! Ang titindi ng mga pasabog natin sa YTM last week ha, aminin n’yo ‘yan. Taas ng ratings natin!!! In fact sa sobrang taas, nag-peak tayo nang bongga last Sunday afternoon at nakuha natin ang 28th spot bilang most read and viewed blog in the Philippines under Personal category based sa topblogs.com. LAKAS!!! Tangina. 😉 I think kaya na rin nating sabayan ang ratings ng teleserye ni Ms. Kim Chu na ‘Ina, Kapatid, Anak, Tiyuhin, Biyenan.’ Charoth. 😉

Just so you know, mahirap ang labanan ng ratings sa blogging industry kaya huwag kayong masyadong umarte. Patayan talaga! Parang labanan lang ng ratings sa TV. Sa dami ba naman ng blogs nowadays! Diyos ko naman. Every week ang labanan ng mga blogs sa ranking. Very competitive talaga! Ang hirap ding sumabay lalo na sa kagaya kong may totoong full-time job. Gosh! Pero laban lang. Laban lang nang laban! 🙂

Kaya naman WAGAS ang pasalamat ko sa lahat ng mga walang-sawang nagbabasa ng blog na ito. Salamat naman at sa dami ng mga babasahin ngayon sa internet ay may time pa kayong bisitahin si Madma at makinig sa mga ngasngas n’ya. Na-touch naman ako sa support n’yo, guys. Biruin n’yong nagbabasa pala kayo?! Group hug naman! ;)Hindi ko na tuloy masyadong nararamdaman na single ako kasi and’yan kayo lagi for me. WOW. Arte!

Anyway, MARAMING SALAMAT muli sa inyong tiwala at suporta. Lalo tuloy akong ginaganahang magsulat. Salamat, salamat, salamat talaga! Mas marami pa tayong pasabog sa mga susunod na araw. Asahan n’yong itotodo pa natin ang laban. TARAY!

I love you all. 🙂
________________________________________________

________________________________________________
Gusto ko palang pag-usapan natin ang iringan ng Malaysian government at ng pwersa ni Sulu Sultan Jamalul Kiram III about sa ownership ng Sabah. Super init kasing issue ito ngayon kaya bilang tinaguriang ‘Boses ng Masa,’ marapat lamang na ilabas ko ang ngasngas ko about it. Dapat kasi talaga ay payuhan portion tayo today. Pero I decided na bukas na lang pasabugin ang featured letter natin to give way to this very timely subject. Shout ouch naman sa pagiging relevant ni Madma! Ang pa-involve ko na rin talaga sa mga national issues ha. 🙂

Anyway, usong-uso na naman lately ang agawan ng teritory! Super scary talaga. Kung dati ay asawa at jowa lang ang karaniwang pinag-aagawan, ngayon, pati ang mga lupain at teritoryo ay pinagdidiskitahan na naman. Ang mga tao nga naman oh. PASAWAY! Siguro mabuting i-check n’yo rin kung kayo pa rin ba ang may-ari ng puso ng asawa or jowa n’yo. Baka maloka kayo at IBA na pala ang may-ari n’yan. SHOCKING! 🙂

Isang classic example na nga ng agawan ay ang walang kamatayan at ang nagbabalik na issue sa tunay na may-ari ng Sabah. Very plot sa teleserye ang peg nito. Kanino nga ba ang Sabah?! ‘Yan ang million dollar question ngayon. Sa totoo lang, ang tunay na may-ari ng Sabah ay si Lord. Alam n’yong siya ang may-ari ng lahat! So, ano pang issue bale?! Charoth lang, beybe!

O, eto, para hindi kayo ma-lost sa issue, ichi-chika ko muna sa inyo quickly ang background ng iringang ito. Flashback muna tayo sa simula ng lahat para mas madaling maintindihan. Mahalaga kasing malaman natin ang simula ng storya para mas madaling makagawa ng opinyon at kuru-kuro. Kumbaga sa fairy tale, mag-start tayo sa classic line na “once upon a time.” GAME! 😉

Noong unang panahon, wala pang Sabah. Lakatan pa lang at tsaka Latundan ang mayroon. Then isang araw, biglang may umusbong na tila kakaibang klase ng prutas sa isang ‘di kalayuang kakahuyan. Medyo mataba ang prutas na ito, bilugan at kulay brown. Hindi ito titi, ok?! 🙂 One time, may isang Ale na dumaan sa area na ‘yun tapos nakita n’ya ang naturang prutas. Kinuha n’ya ito, binalatan at tinikman. While eating, biglang napasigaw ang Ale, “Shit. Ang sarap naman nitong prutas na ito! Grabe. Nakakaulol! Para siyang… para siyang…para siyang… Sabah!” At ito nga ang ‘Alamat ng Saging na Sabah.’ CHAROTH! Ano baaaaaa. Ang corny! 🙂

Serious na nga. GAME!
_________________________________________________

_________________________________________________
Base sa aking mga nakalap na data, ang Sabah (North Borneo) pala ay pag-aari na ng Sultan ng Sulu noon pang 1704. Ang lupain na ito ay iniregalo ng Sultan ng Brunei sa Sultan ng Sulu bilang pasasalamat nito sa tulong na ibinigay ng Sultan ng Sulu sa pagpuksa sa malakasang rebellion sa Brunei at that time. Ang bongga magregalo ng Sultan ng Brunei no?! Hiyang-hiya si Ms. Sharon Cuneta. Kukunin ko talaga siyang Ninong sa kasal kung buhay na ako noon. Ok na sa akin na regaluhan n’ya ako ng sampung poging lalaki. SHET! Feeling ko sisiw lang sa kanya ang simpleng request na ito. Kahit gawin ko pang twenty, kering-keri!

Noong 1878 naman, pumasok sa isang ‘lease agreement’ ang Sultan ng Sulu with British nationals na sina Gustavus Baron de Overbeck and Alfred Dent. Ayon sa agreement, ang mga British nationals na nabanggit ay pinayagang mag-occupy sa Sabah kapalit ng pagsu-supply nila ng armas sa Sultan. Kaaway kasi ng Sultan ang mga Spaniards during that period. Ang mga armas na sinu-supply ng mga British nationals ay ginagamit ng Sultan laban sa Spaniards. Hindi pinapang-raffle ang mga armas ha! Hindi ito level ng show ni Willie Revillame.

Maliban sa pagsu-supply ng armas, required din na magbayad ang mga British nationals ng 5,000 Malaysian ringgits annual rental based on the Mexican dollar’s value at that time or its equivalent in gold. So, dalawa ang components ng agreement– ang pagsusupply ng armas at pagbabayad ng annual rental. Maayos naman ang naging kalakaran ng usapan. More bayad ang dalawang Briton, more kubra ang Sultan. Naging swabe naman ang kalakaran. Maliwanag din palang nakasaad sa agreement na ang rights ng Sabah ay hindi pwedeng i-transfer to any other nation or anyone else without the Sulu Sultan’s express consent. Klaro pala ‘yan!

After some years, pinasa at binenta na nila Gustavus Baron de Overbeck and Alfred Den ang kontrata ng pag-renta sa Sabah sa British Empire. Ang British Empire na ang nagpatuloy ng pag-occupy sa Sabah. Out na sa story sina Overbeck at Den. Kumbaga sa teleserye, pinatay na ang characters nila sa puntong ito. 🙂

Noong 1946, after 86 years since the lease agreement was inked, tuluyan nang inangkin ng British Empire ang Sabah. Hindi lang inangkin ha, pinamigay pa nila ito sa isa sa mga colonies nila. To quote one of my sources, “the British Empire included Sabah in the Federation of Malaysia when it granted independence to its colony in 1963.” O, di ba nakakaloka?! Umupa lang tapos biglang sa kanila na tapos pinamigay pa! LUPET! Lakas maka-gago no?! Try ko kayang gawin ito sa landlady namin, Ewan ko lang kung hindi n’ya ako kalbuhin!

Kaya naman dahil sa nakapa-cheap na agawang ito, nanghingi ng saklolo ang Sultan ng Sulu sa Philippine Government. In 1962, the Sultan of Sulu entered into an agreement with the Government of the Philippines para ipagpatuloy ang laban sa pagbawi sa Sabah sa International Court of Justice. Naganap ang ang agreement na ito noong time ni Presidency Diosdado Macapagal. So in essence, ang Philippine government dapat ang TAGAPAGTANGGOL ng Sultan ng Sulu. ‘Yan pala ang usapan.
___________________________________________________

___________________________________________________
So ngayong present time, ANO NG NANGYARI?! Bakit nagka-leche leche na?! Historically, ang Sultan pala talaga ng Sulu ang may-ari ng Sabah. SA PILIPINAS ANG SABAH. Nasa kamay ni Sultan Kiram ang lahat ng dokumento at ebidensya na magpapatunay sa claim na ito. So, anong inaarte-arte ng Malaysia?! Grabe ‘yung sila pa ang may ere! Duh. Konting HIYA naman ‘d’yan. Alam kong alam n’yong hindi talaga sa inyo ang lugar na ‘yan so ‘wag na kayong magmaang-maangan. Napapalibutan na namin kayo. Char. 😉

Until now pala ay tuloy ang pagbabayad ng Malaysia ng renta sa heirs ng Sultan ng Sulu. Sabi sa chika, ang Malaysian Embassy ay nagbabayad pa rin ng annual rent amounting to USD1,500 per year bilang kabayaran sa paggamit sa Sabah. Hindi ka naman magbabayad ng renta kung hindi mo ina-acknolwedge na may-ari ‘yung pinagbabayaran mo, ‘di ba?! Ang simple nito, PLES! Kahit elementary student mage-gets na ‘to agad. Hindi nila pwedeng gamitin ang argument na ang Sabah ay binigay sa kanila ng British Government kasi in the first place, hindi naman sa mga Briton ang Sabah. Walang namang naganap na bentahan ng Sabah sa pagitan ng Sultan ng Sulu at ng British Empire! Gosh. Irita. 😦 Sa toong buhay, hindi mo pwedeng ipamigay sa iba ang bagay na hindi sa’yo! Ano ba. Expound ko pa ba ‘to?! Mismong ilang mga Malaysian observers na nga ang nagsasabing sa Pilipinas ang Sabah ‘eh. PAPALAG PA BA?!

Hindi ko rin masisisi ang ginawang paglusob ng grupo ni Sultan Jamalul Kiram III last February 9, 2013 sa Lahad Datu sa Sabah. After all, sa kanila naman pala ang lupaing ito. Sila ‘yung inaagawan. Sila ‘yung ninakawan. Sila ang BIKTIMA. Ang sad lang ‘nung parang pinagtatabuyan sila sa sarili nilang pag-aari. Isipin mo, ikaw ‘yung landlady at ang LEGAL na may-ari ng isang apartment tapos noong pumunta ka sa property mo ay pinagtabuyan ka na lang ng mga umuupa sa’yo. POTA! Asan naman ang sense nito?!
_________________________________________________

_________________________________________________
At ang worst part is, ang ating mahal na pangulo na si PNoy na inaasahan nilang kakampi sa kanilang laban ay pumabor pa sa Malaysians. SHOCKING! Malaysians ba ang nagluklok sa kanya?! Last time I checked, HINDI! Gosh. 😦 Ang sakit ‘nun sa part ni Sultan Kiram ha. Para silang inabandona ng sarili nilang ama. Para silang pinagkanuno ng sarili nilang kasangga. Para silang iniwan ng kanilang pamilya sa gitna ng isang matinding labanan. Sila na nga ‘yung nasa TAMA, sila pa ‘yung iniipit, sila pa ‘yung tinatakot at pinagbabantaan, sila pa ang pinapalabas na masama ng gobyernong dapat sama ay KAALYADO NILA. GRABE!!!

Actually, hindi naman pala dapat aabot sa ganito ang galit ni Sultan Kiram at hindi na sana magiging magulo ang lahat kung pinansin at binasa ni PNoy ang letter ni Sultan Kiram requesting for a consultation on peace talks. Last 2010 pa pala pinadala ng Sultan ang nasabing letter sa Malacañan, ilang linggo matapos manalo si PNoy as President. In fairness to Sultan Kiram, gumawa siya ng initiative para mabuksan ulit ang usapan re: peace process sa Mindanao including the issue on Sabah. Pero anong naganap? Hindi nabasa ni PNoy ang nasabing letter! To quote PNoy, “let me say to Sultan Jamalul Kiram III: I have just been made aware that a letter to me, from you, was sent through the Office of the Presidential Adviser on the Peace Process in the very first weeks of my term, when we were organizing the government. Unfortunately, this letter was lost in the bureaucratic maze.” NAWALA naman pala ang letter. Ok. NOTED!

Overall, ang duwag ni PNoy at ng kanyang administration sa kasong ito. Para sabihin n’yang “hopeless cause” ang laban sa ownership ng Sabah ay patunay lang na wala siyang balak i-push ang pag-claim nasabing lupain. Kung wala naman pala siyang balak protektahan ang mga ari-arian natin, ‘eh ‘di ipa-raffle n’ya lang ang lahat ng lupain ng Pilipinas para mas happy! Ako na magho-host para mas bongga! Gosh. NAKAKALOKA. 😦

Don’t get me wrong ha, hindi ako pabor sa kaguluhan at hindi ko ina-advocate na gerahin natin ang Malaysia. I’m all for peaceful resolution and all. Ang akin lang is dapat mabuhay ulit ang malakas na call natin sa ownership ng Sabah na matagal nang natengga! Ito naman kasi ang ultimate long-term call sa issue na ito ‘eh. Whether may nagtulak kina Sultan Kiram para gawin ang paglusob or wala, the fact still remains na may issue sa ownership ng Sabah at kailangan itong ma-resolve ASAP! Wow. Urgent?! 🙂 Pero based sa mga turn of events ngayon, mukhang walang malinaw na plano si PNoy about it. Ang concern lang n’ya is mapaalis ang grupo ni Sultan Kiram sa Sabah, which is very short-term na pagtingin. Wala man lang siyang statement of assurance na itutuloy ang laban hanggang sa mabawi natin ang Sabah and matuldukan na finally ang issue na ito. My God! Wala man lang ganun!

Ang sad ‘nung hindi natin kayang ipagtanggol ang mga bagay na pag-aari natin. Nakakagalit ‘yung fact na hindi natin kayang i-defend ang ating teritoryo. Kung sinu-sino na lang ang umaangkin sa mga lupain natin. Kung sinu-sino na lang ang nambu-bully sa atin. Kaya naman, huwag na kayong magulat kung bukas makalawa ay ibang bansa na ang may-ari bigla ng Manila at Makati. Huwag na kayong magulat kung paggising n’yo ay China or Malaysia na bigla ang may-ari ng Palawan, Cebu at Bacolod. I think mabuting mag-start na tayong mag-aral ng Chinese at Malay para worst comes worst, maka-survive pa rin tayo sa anumang pagbabago. GRABE!!!

Haaay… nasa-sad ako. Sana ay pagmuni-munihan n’yo rin ito. 😦

Yours Truly,

Madma

(Sources: http://www.interaksyon.com/article/55753/mel-sta-maria–sabah-is-ours–we-should-claim-it; http://www.epilipinas.com/sabahclaim.htm; http://opinion.inquirer.net/47591/not-a-very-good-idea#disqus_thread; http://www.freemalaysiatoday.com/category/opinion/2013/02/22/to-whom-does-sabah-belong/; http://www.interaksyon.com/article/55861/kiram-letter-seeking-consultation-on-peace-talks-lost-in-the-maze—aquino; http://en.wikipedia.org/wiki/Jamalul_Kiram_III)

(Photo credits: http://www.globalnation.inquirer.net, http://www.scmp.com, http://www.verafiles.org, thepinoyweekly.com, http://www.untvweb.com, http://www.globalgrind.com; http://www.dinmerican.wordpress.com )

P.S. Gusto ko palang i-share na super aliw na aliw ako sa bagong single ni Ms. Mariah Carey titled ‘Almost Home’ na soundtrack ng upcoming Disney film na ‘Oz The Great & Powerful.’ Ang cool ng melody ng song. Very upbeat. Very Mariah! Masasabing talagang magandang comeback ito para sa idol kong Diva na si Mariah.

Pakinggan n’yo naman! Medyo mataas nga lang ng konti ang pitch so good luck na lang sa mga ka-boses ni Ms. Jessa Zaragosa and Ms. Jaya. 🙂
______________________________________________

_______________________________________________
P.P.S. Sa lahat ng gusto lumiham kay Madma, ipadala lang ito sa yourstrulymadma@gmail.com. Dali! Huwag mahiya. Promise, sasagot ako. 🙂